…í innliti dagsins er fjölskylda sem keypti tóma kapellu frá 1889 – gerði hana að heimili sínu. Við erum í Dombäck, þorpi nokkrum kílómetrum norður af Örnsköldsvik. Í þessari gömlu kapellu hafa Lotta og Mathias Edlund skapað hlýlegt heimili ásamt börnunum sínum Grétu, Edvard og Ville. Kapellan var byggð árið 1889 og var samkomustaður baptistasöfnuðar svæðisins. Hér var meðal annars sunnudagaskóli og í gegnum árin hafa hundruð barna sungið og heyrt biblíusögur í húsinu sem orðið er draumaheimili Lottu og Mathias.
Hjónin hafa breytt gamla bílastæðinu í aðlaðandi húsagarð með fallegum malarstígum.
Í gólfi gamla sviðisins er falin lúga fyrir litla laug sem var notuð til fullorðinsskírna. Nú er þar matarkjallari. „Við létum setja biblíuversið sem skreytir vegginn í giftingarhringana okkar,“ segir Lotta.
Ótrúlega flott að sjá hvernig þau nota opna bókahillu til þess að skipta rýminu niður.
Í uppáhaldi á heimilinu er ljósið sem hangir eins og skartgripur yfir borðstofuborðinu. Ljósið heitir Heat og er hannað af listakonunni og hönnuðinum Johanna Forsberg.
Innbyggður bókaskápur er kemur í stað veggs. Gluggatjöldin frá lofti til gólfs skapa, ásamt gólfmottu, tilfinningu fyrir afmörkuðu rými þrátt fyrir að allt sé opið. Sófi er frá Mio. Hægindastóllinn og kaffiborðið frá flóamarkaði.
Fallegir blómvendirnir hennar Lottu, dahlíur, sætar baunir og eilífðarblóm eru eins og veisla fyrir augað. Slitna skrifborðið er fengið á uppboði. Lyklarnir á snagabrettinu fengu þau afhenta þegar þau keyptu kapelluna.
Hvíta eldhúsið er úr Ikea. Hér er nóg pláss til að nýta garðuppskeruna.
Á einum gafli hafa þau hjónin byggt timburverönd með plássi fyrir bæði eldamennsku í útieldhúsi og þar sem hægt er að njóta þess að vera á björtum sumarkvöldum.
Nettóskúlptúr listakonunnar Jóhönnu Forsberg prýðir píanóið sem er eftir frá fyrstu árum kapellunnar. Myndin er úr brúðkaupi Lottu og Mathiasar.
Frá Sköna Hem – sjá hér!
Fotos: Elin Nerpin