Vorfílingur í JYSK…

…ég er eins og við flest farin að þrá sumarið og sólina. Grænt grasið og allt sem fylgir þessum dásamlega árstíma. Mér fannnst því kjörið þegar ég var í JYSK á Smáratorgi að setja upp svona vor/páska/sumarborð. Má kannski bara kalla þetta ákall á sumarið. Svo er auðvitað Tax Free þar eins og á fleiri stöðum og því hægt að gera geggjuð kaup…

….það má eiginlega segja að þessi nýju villiblómavöndur, sem þið sjáið hérna eftir miðju borðinu hafi verið innblásturinn fyrir borðinu. En hann er alveg einstaklega fallegur eins og þið sjáið…

…undir diskana setti ég síðan bastmottur, sem eru líka alltaf jafn fallegar – allt árið um kring, en sérstaklega á vorin og sumrin…

…í stað þess að setja dúk eða löber, þá er ég bara með gardínulengju eftir miðju borðinu. Ódýrt, einfalt og falleg lausn…

…flestar gardínurnar eru líka orðnar 3m þannig að lengdin er kjörin til þess að nota svona, nóg pláss til endanna…

…litlu skálarnar í bleiku og gulu eru síðan alveg sérlega vorlegar, þessir mildu og fallegu litir…

…stóri vasinn er bleikur að ofan en út í bláan lit að neðan, og hann er því að tóna svo vel við þetta. Glösin eru líka falleg, bleik – blá og gul, einföld leið til þess að fá smá lit inn á borðið…

…ég notaði þrjá vendi á þetta borð, skipti þeim upp og setti í misstóra vasa…

…auk þess að stinga blómum inn í tauservétturnar…

…ég tók saman lista yfir það sem notað er, en setti líka inn nýja tegund af tauservéttum sem eru með smá mynstri – sérlega fallegar!

…mér finnst þetta koma mjög fallega út, þó ég segi sjálf frá…

…ég setti líka upp eitt borð, sem varð alveg sérlega bleikt og brúnt…

…en það er svo mikið af fallegum viðarstjökum sem eru komnir, í alls konar stærðum, og þegar maður setur þá saman og blandar hvítu og bleiku þá ertu komin með geggjað kombó…