…eins og þið vitið eflaust mörg þá hef ég sérstakt dálæti á skartgripunum eftir hana Lovísu snilling og nú á dögunum kom út ný lína frá henni sem er alveg hreint stórkostleg. Um er að ræða línuna Fairy Tale sem er með skartgripum úr ekta gulli, demöntum og öðrum eðalsteinum. Það er hreint dásamleg litafegurð sem í boði er, mjúkir bleikir tónar, fallega grænt og allt þar á milli.
Línan kemur í vefverslun Lovísu á nýju ári en þar sem þetta er takmarkað upplag þá fæst hún eingöngu í versluninni í Vinarstræti 16 yfir hátíðina. Trúið mér, sjón er sögu ríkari í þessu tilfelli og ég átti erfitt með að gera upp á milli þar sem hver einasti hlutur er hreinn draumur!
Þið getið smellt hér til þess að skoða eldri póst um ByLovisa!
Um Lovísu:
Lovísa Halldórsdóttir Olesen hefur starfað sem gullsmiður allt frá útskrift úr Tækniskólanum árið 2007 með meistaragráðu í gull og silfursmíði. Allt frá barnæsku hefur Lovísa elskað ýmsar skapandi greinar og snemma ljóst að listaleiðin væri hennar braut í lífinu. Útskrifaðist hún með stúdentspróf á listasviði/fatahönnun árið 2002. Eftir nokkuð mörg ár á gullsmíðaverkstæði og síðar í rekstri á heildsölu fyrir gullsmiði hóf hún rekstur undir eigin vörumerki árið 2013.
Til lukku með nýju línuna þína elsku vinkona,
það er alveg magnað að fylgjast með þér toppa þig í hvert sinn!
Smella hér til að skoða heimasíðu!
Fairy Tale myndir – Ljósmyndari: Aldís Pálsdóttir.