Kolaportið…

…var sótt heim í gær, og vá, hvað það er nú langt síðan ég hef tekið hring þarna. Við vorum reyndar alveg um lokun og margir básar sem voru búnir að loka en engu síður sá ég eitt og annað fallegt/skemmtilegt/skrítið og ákvað að mynda og deila með ykkur…

…þetta var svona það fyrsta sem ég stoppaði við, svo fallegt…

…og alls konar gamlar myndir eru alltaf svoldið heillandi…

…ég hrífst alltaf mikið af trúarmyndum og táknum, það er eitthvað við það sem veitir mér frið og ró…

…litla myndin í gyllta rammanum þótti mér sérlega falleg…

…fallegir og skrautlegir krossar…

…og sömuleiðis þessir hérna – held jafnvel að það væri fallegt að safna nokkrum svona og mála í sama lit og veggurinn og hafa þá svoldið “ósýnilega” á veggnum…

…og það er gaman að skoða svona íslenskan markað, því þá rekst maður á séríslenska muni – eins og burstabæinn…

…og sjálfa Hallgrímskirkju…

…og svo eru náttúrulega fallegir munir hvaðanæva af…

…þessar væru töff í glerkassa eða í flottri hillu…

…ég var nú að spá hvort að þetta væri Fálkaorða þarna um hálsinn á gínunni, svona í tilefni helgarinnar…

…og alltaf á svona mörkuðum, þá skiptir máli að horfa ekki bara yfir heildina – því þá sér maður stundum ekkert fyrir öllu dótinu – heldur að rýna í einstaka muni…