…það er reyndar ekki vaninn, en mig langaði að segja ykkur frá hárvörum sem ég hef verið að nota núna og deila með ykkur afsláttarkóða. Þessar vörur hef ég verið að versla sjálf núna í nokkur ár, og er mjög ánægð með!
Þess ber þó að geta að allir eru með mismunandi hár og þarfir og þetta er það sem hentar mínu hári. Ég er með frekar fínt hár, sem er sjálfliðað og þarf því einhver efni sem ýta undir það.
Ég fékk þessar vörur að gjöf, en valdi þær sjálf og skrifa um þær af eigin reynslu!
Fyrst ber að nefna Argan olíuna: True Soft Argan Oil.
Ég þvæ fyrst hárið og þerra það, síðan greiði ég niður úr því og pumpa úr olíuflöskunni í lófann. Ég dreifi síðan úr henni í allt hárið með því að klípa henni í. Þannig koma náttúrulegir liðir í hárinu í ljós, en ég hef líka notað þetta í alveg slétt hárið á dótturinni og það verður dásamlega mjúkt og fallegt.
Ég vil hafa hárið mjúkt og í raun sem minnst af efnum í því og því er þetta alveg mín vara nr. 1, 2 og 3.
Næst er það eftirlætisþurrsjampó-ið mitt, en það er: Invisidry Shampoo.
En þetta er eina þurrsjampó-ið sem ég vil nota. Það skilur hárið ekki eftir í svona hvítgrárri slikju, og hárið verður ekki svona stíft af því að nota það. Mér finnst það bara virka hreint. Auk þess gerir þetta heilmikla lyftingu.
Næst er það: Ocean Spray.
Þetta sprey er ég ekki búin að nota eins lengi og vörurnar hér fyrir ofan, en er þó á öðrum brúsanum mínum. Finnst þetta geggjað til þess að sprauta í rakt hárið og þá ýkjast allar krullur upp og verða svo flottar.
Svo er það annað nýlegt, sem er komið á
“verð að eiga-listann”: Salty Cream.
Geggjað í rakt hárið, klipið í hárið sem þornar síðan svona hart. En með því að klípa það til aftur eftir að það þornar, þá verður hárið aftur mjúkt og mjög náttúrulegar krullur/liðir.
Ég hef síðan verið að nota nokkrar mismunandi týpur af sjampó og næringu frá Maria Nila, og þau hafa öll átt vel við mig. Þannig að ég get alveg mælt með þeim og sérstaklega Luminous Colour Sjampó og næringu, og True Soft næringu og sjampó.
Í samvinnu við Regalo Fagmenn og Hárland.is get ég boðið ykkur upp á 20% afslátt af öllum Maria Nila vörum og gildir þetta út næsta föstudag 25.september.
Smella hér til þess að skoða Maria Nila hjá Harland.is!
