…næstkomandi fimmtudag – kl. 20-22 – verður haldið SkreytumHús-kvöld í Rúmfatalagernum á Smáratorgi. Hann Ívar “minn” er nefnilega verslunarstjóri þar, og ég bara gæti ekki haldið þetta ótrúlega skemmtilega kvöld án hans stuðnings og hvatningar. Þannig að við ætlum að tjalda öllu til, vera með frábær tilboð á vörum sem að ég vel sérstaklega auk þess sem það verður frábær afsláttur af öllum vörum. Gjafapokar og gleði ♥
Ég kem til með að birta myndir af skreytingum seinna í vikunni, og sjálf á ég eftir að setja upp heilan helling af skreytingum og öðru slíku fyrir kvöldið á Smáratorgi.
Þetta er eitt skemmtilegasta kvöld ársins hjá mér – að hitta ykkur svona margar, að spjalla við ykkur, að fá tækifæri til þess að setja upp mörg borð að mínum hætti full af fallegum vörum og svo auðvitað að gefast kostur á að veita ykkur frábær kjör. Ég er svo þakklát Ívari og hans frábæra starfsfólki, og auðvitað Rúmfatalagernum að taka þátt í þessu með mér og við leggjum okkur alltaf fram við að gera sem flottast.
Bara í lokin langar mig að útskýra fyrir þá sem þykir of snemmt að halda þessi kvöld í októberlok, að þetta er eitthvað sem að ég bað um. Ástæðan er sú að vörurnar fara hratt í Rúmfó, enda á frábæru verði, og ég er aldrei að vinna með eða sýna ykkur vörur sem eru ekki að heilla mig. Þess vegna vil ég gera þetta fyrr, frekar en síðar, til þess að tryggja að úrvalið sé sem mest og að þið séuð að njóta alls þess besta sem Rúmfó hefur upp á að bjóða!
SMELLIÐ HÉR TIL ÞESS AÐ SKRÁ YKKUR Á VIÐBURÐINN Á FACEBOOK!
Ég hlakka mikið til að sjá ykkur, vonandi sem flest ♥
ykkar
Soffia