…því stundum langar manni bara í!
Ég hef nú sagt frá því áður að elsku mamma mín, hún er sko búin að ráðstafa einu og öðru heima hjá sér. Þá á ég við, að maður lyftir upp styttum og undir þeim standa nöfn þeirra sem hlutinn eiga að fá – þið vitið, þegar þar að kemur. Mamma mín á nefnilega nokkrar ísbjarnastyttur sem hafa heillað mig til ansi margra ára. Eeeeeeen, hins vegar – sé þeim lyft upp þá eru þær sko alls ekki merktar mér. Búhú! Því ákvað ég bara, þegar ég fékk pening í afmælisgjöf, að fá mér hlut sem ég myndi ekki versla mér svona alla jafna, og væri búið að langa í lengi.
Þannig að, ég kynni til sögunnar Hr. Björn…
…þessi fékkst í gegnum Ebay – en kemur af danskri antíksíðu Danam Antik (sjá hér). Hann er ættaður frá Bing & Grøndahl og mér finnst hann alveg yndislegur…
…ég var smá stressuð á hvort að hann kæmi óbrotinn í hús, en það voru óþarfa áhyggjur. Hann mætti á svæðið, eftir aðeins 3 daga og í svona kassa…
…fullum af frauðkúlum…
…og þar að auki vafinn í svona pappa…
…þannig að það sá ekki skrámu á þessari elsku eftir flutningana.
Ég borgaði ca $20 fyrir flutninga og svo minnir mig að ég hafi borgað um 5þús í tolla og gjöld hér heima…
…og fyrir áhugasama, þá er þessi nr 1629…
…ég er svo ánægð með hann – af einhverri undarlegri ástæðu, þá minnir hann mig á Raffa gamla. Það er meikar kannski ekki sens fyrir aðra, en þegar ég sagði við eiginmanninn: veistu á hvern hann minnir mig? Þá vissi hann strax hvað ég átti við – þannig að það er eitthvað ♥
…það er nú gaman að láta drauma rætast – sérstaklega þegar þeir eru bara svona frekar einfaldir í framkvæmd!
♥ knúzez ♥
P.s. ykkur er alltaf frjálst að deila póstinum og ef þið smellið á like – þá verð ég sérlega glöð og kát í hjarta ♥
Hrikalega flottur….og sé alveg líkindin með elsku Raffa
Finally!!!! Er þá isbjarnarævintýrið endalausa á enda? 😁
Hann er bara yndis og ég skil að hann minni á Raffann þinn ❤ knús í hús 😊
Dásamlegur 🙂 Svo sorglega góður á svipinn 🙂
Dàsamlega fallegur ❤
Æði – En fyndið ég hugsaði það áður en ég skrollaði niður og sá þig skrifa það – bara vá hvað hann minnir mig á hundinn sem hún átti 😀
Hvar pantaðaru þennan? Búið að vera draumur mömmu lengi ?
Hann virkaði ekki linkurinn sem þú settir inn.
Keyptur af Ebay á sínum tíma en hún Kristbjörg á Akranesi á þá oft!
https://www.facebook.com/profile.php?id=100064026280841