Samansafn…

…þar sem að gula skrípið hefur að mestu leyti verið vant við látið undanfarið, er sennilegast farin í sumarfrí sjálf, þá hef ég eytt meiri tíma innandyra en ella.

Eitt sem ég á að til að gera, er að þegar ég er að þurrka af og taka til, þá hreyfi ég stundum hlutina til og breyti – og vonandi bæti.

Þar sem ég fæ svona “æði” fyrir hinu og þessu, og undanfarin ár, hafa það verið glerkúplanir – þá er ég komið með þó nokkra í safnið.  Ég ákvað því að prufa að stilla þeim öllum saman, svona að mestu leyti…

…mér finnst nefnilega svo skemmtilegt að setja hluti undir glerkúpla – því að það verður allt eitthvað svo spes sem fær að fara þarna undir.  Þið vitið, svona næstum eins og á safni sko…

…í kúplana setti ég nokkra hnetti (annað æði), gamlar bækur – sem ég elska að sanka að mér, og svo eru það styttur sem að krakkarnir hafa búið til í skólanum.

Kúplarnir hafa komið úr ýmsum áttum – Litlu Garðbúðinni – Rúmfó – Ikea…

…enda snýst þetta allt um að setja það sem þér finnst fallegt og vilt hafa fyrir augunum…

…svo gerir auðvitað alltaf heilmikið að vera með blóm í vasa – það er bara þannig…

…og þess ber að geta að hortensíurnar á myndinni fyrir ofan eru nýlegar, en þessar sem standa þarna í könnunni – þær eru síðan í fyrra og þurrkast svona líka fallega.  Yndislegt að geta notið svona lengi…

…og ekki þarf allt að vera afskorið, því að á borðinu eru annars vegar orkídeur í skál og svo lítil gerviblóm sem ég fékk í Rúmfó…

…hér er hins vegar þurrkað brúðarslör, orðið þó nokkuð gamalt…

…svo bara svona til þess að halda krúttfaktorinum í hámarki…

…þessi hérna sko – hann er alltaf jafn mikill bræðingur…

…meira krúttið, hann Moli minn ❤

Hvað mynduð þið setja í glerkúplana ykkar?

Vona að þið eigið yndislegan dag!

P.s. ykkur er alltaf frjálst að deila póstinum og ef þið smellið á like – þá verð ég sérlega glöð og kát í hjarta ♥