Smá fix…

…er alveg nauðsynlegt!  Þess vegna er svo gaman að breyta bara dulitlu, bara svona rétt til þess að fríska upp á.

Í þetta sinn var það bekkurinn okkar sem fékk nýtt áklæði bara svona af því bara…

…þegar við keyptum húsið þá var herbergið reyndar ansi grænt, töluvert grænna en ég fílaði…

…og við höfum í raun bara gert svona nokkrar smábreytingar á herberginu frá því að við fluttum inn.  Hins vegar eru það oftast nokkrar smábreytingar sem geta gert stóran mun þegar upp er staðið.  Hér er t.d. fyrsti gaflinn okkar, sem var samansettur úr þremur Veggvíramyndum úr Pier.  Ég var mjög ánægð með hann, en eftir á að hyggja finnst mér hann vera of “lítill” miðað við stærðina á rúminu (sem er alveg 2,13m). Þarna sést líka bekkurinn enn með plastinu…

…eins var gamla náttborðið mitt ansi smátt við hliðina á rúminu – en svona hlutum breytir maður bara þegar árin líða…

…en já, alveg rétt – ég var að tala um bekkinn…

…ég átti nefnilega smá auka efni, eftir að setja utan um “nýju” borðstofustólana, þannig að ég ákvað að skella því á bekkinn okkar…

…um að gera að nýta það þegar maður finnur svona fallegt efni…

…eins og áður hefur komið fram þá er SkreytumHús-liturinn á vegginum, og hann er svona brúngrár, allt eftir birtunni…

…allt annað að sjá stærra náttborð, ekki satt?

…plús að það er nú ágætt að hafa nóg af plássi fyrir allt þetta punterí sem ég kýs að hafa í kringum mig…

…en hinum megin er reyndar enn gamla borðið, enda er plássið þar aðeins minna…

…límmiði á höfðagaflinn gerði líka gæfumuninn, og fremsti púðinn er mikið uppáhalds – enda leikskólaföndur frá dótturinni…

…og skuggarnir af skermunum, eða öllu heldur mynstrið, það er líka alltaf uppáhalds…

…samansafnið af handspeglum…

…og þessi trausta grind sem tekur við öllum púðum og rúmteppum þegar þau eru ekki í notkun…

…rúmgaflinn geymir líka samansafn af hálsfestum…

…þar á meðan mynd af Raffanum okkar, sem okkur enn svo ofarlega í huga…

…og gamla hurðin er enn að þjóna sínu hlutverki með prýði…

…fyrir glugganum eru síðan þykkar gráar gardínur þannig að ég get dregið fyrir og fengið nánast svarta myrkur – sem mér finnst dásemd…

…og talandi um dásemd, þá er yndislegt að fylgjast með þessu hérna…

…þegar ég horfi á þessa hérna…

…þá er ég fullkomlega sannfærð um þetta hér…

…annars ætlaði ég bara rétt að sýna ykkur bekkinn 😉

Eigið yndislegan dag ❤

ps. þætti vænt um að þið mynduð smella á like-hnappinn ef þið höfðuð gaman af póstinum og ekki væri nú verra að heyra aðeins frá ykkur!