Stofubreyting – hvað er hvaðan…

…og þrátt fyrir að hljóma eins og biluð plata, þá segi ég enn og aftur takk fyrir frábær viðbrögð.  Það er svo gaman að sýna ykkur svona og finna hversu spenntir allir verða, og bara hversu miklum eldmóði fólk fyllist.  Allir af stað, breyta og bæta 🙂

Þessi breyting var gerð á budget-i, eins og flest allt sem ég geri.  Það þurfti að kaupa eitt og annað, en við vorum ekkert að henda Visa-kortinu um sko.

Þegar flutt var inn var næstum allt húsið málað í sama lit.  En þetta er einn af SkreytumHús-litunum sem fæst í Slippfélaginu og heitir Mosagrár.  Hann er ótrúlega fallegur, mjög breytilegur sem mér finnst alltaf kostur.  Stundum grár, stundum beis og stundum næstum grænn.  Sem sé mjög hlýr og notalegur bakgrunnur.  Endilega hafið þetta í huga þegar þið skoðið myndirnar, þá takið þið eftir hversu margbreytilegur hann er… 
…eins og kom í ljós í seinasta pósti, þá eru hillurnar undir sjónvarpinu Vittsjö sjónvarpshillurnar frá Ikea (smella hér), og ekki að ruglast á þeim og hinum sem hærri eru…

…viðurinn er límtrésplata úr Bauhaus og fæst í nokkrum mismunandi stærðum, þessi er 220*60…

…hilluberarnir eru frá Ikea og heita Ekby hall (smella hér) og viðurinn er afgangur frá sjónvarpshillunum…

…stofuborðin eru líka Vittsjo (smella hér) og mottan heitir Hodde (smella hér) og þetta er gráa/svarta týpan, bæði er frá Ikea…

…svo er það stóóóóóra spurningin sem ég fæ endalaust, varðandi þessar geggjuðu körfur fyrir tímaritin.  Vandamálið er að ég keypti þær í heildsölu, og eins og er, þá eru engar verslanir á höfuðborgarsvæðinu búnar að taka þetta inn.  En ég er að vinna á þessu og skal birta á síðunni um leið og eitthvað kemur í ljós…

…litla hliðarborðið er líka Vittsjo (smella hér) – vírkarfan undir því kemur úr Rúmfó, en hún er reyndar orðin nokkra mánaða gömul…

…mottan í sjónvarpsholinu er sömuleiðis frá þeim sænska og ber nafnið Osted (smella hér) og það eru til nokkrar stærðir í þeim.  Sömuleiðis var spurt um málverkið, en það er eftir hann pabba minn, Garðar Jökulsson – og þið getið fundið hann á Facebook hérna…

…augljóslega mjög kózý motta sko…

…og það sem er gott við þessar tvær mottur, er að þær eru báðar þokkalega hlutlausar, ganga vel saman á þess að vera og mikið “eins”.  Síðan má snúa þeim báðum við þannig að fyrir t.d. hunda- eða barnafólk þá er þetta sniðug lausn…

…áhugasamir spurðu líka hvaðan glugganir væri, en sá stærri fannst í Vosbúð í Vestmannaeyjum (sjá hér) og sá minni er úr Pier (smella). Svo, fyrir áhugasama og fróðleiksfúsa – þá má benda á þessa íðilfögru körfu en hún kemur úr Rúmfatalagerinum og er í miklu uppáhaldi… …glerkúpullinn fyrir Pínuna er úr Ikea, og þetta er minni týpan (smella hér).  Mér finnst þessir ferlega flottir og fékk mér sjálf meira segja báðar stærðir – þið vitið, af því að mér vantar svo rosalega mikið glerkúpla – alltaf 😉

…skálin og blómið (alvöru) er bæði sömuleiðis úr Ikea…

…kirkjukertastjakinn er síðan úr smiðjunni hennar Maríu Kristu og fæst að sjálfsögðu í Systur og makar (smella hér)…

…bakkann fundum við síðan í Pier og þaðan koma bókaboxin líka, alveg kjörin fyrir fjarstýringar og t.d. sprittkertin og kveikjarann…

…mystruðu körfurnar eru svo úr Rúmfó, og kosta bara um 990kr stk, og eru alveg ferlega flottar…

…svo er það hinn veggurinn…

…því miður er sömu sögu að segja með þessa potta, eins og með tímaritakassana.  Þegar ég fæ nánari upplýsingar þá skal ég setja þær inn, í hvelli…

…hins vegar þá settum við bara upp fleiri svona Ekby hillubera úr Ikea, og þeir hanga í þeim.  Auðvelt lausn.

Eitt af því sem setur hvað mestann svip á svæðið er þessi fallegi vegglímmiði frá Vegg.is.  Þau áttu spegilinn fyrir og hann átti að fara yfir skenkinn og það passaði einhvern veginn ekki að setja myndir eða málverk þarna, en eitthvað varð að koma svona til þess að “fylla upp í” vegginn – kjörin lausn!

…þetta kemur í svona pappatúpu…

…fyrst þarf að strjúka vel yfir allann límmiðann, svona til þess að þetta festist á “yfirlaginu”…

…svo er bara að festa þetta á vegginn með tveimur límböndum og mæla hvort að allt sé ekki öööööörugglega rétt og vel stillt af.  Það fylgir ekki með pakkningunni svona vandvirkur 2m maður, hann var keyptur sér…

…svo er bara að taka þetta varlega í sundur.  Mæli með  að lesa bara leiðbeingingarnar sem eru á Vegg.is, en þær eru mjög ítarlegar (sjá hér)…

…alltaf verið að fylgjast með á hallamálinu…

…alveg að verða komið…

…og svo loksins – húrrra!

Virkilega fallegir límmiðar að mínu mati!

…glerkassinn sem gömlu bækurnar eru í er úr Rúmfó, og fæst hér (smella). Mér finnst þessi vera æðislegur og allt verður fansí í honum, bara nánast hvað sem er…

…svo að lokum er það gardínurnar…

…stangirnar koma úr Ikea (sjá hér)…

…en gardínurnar sjálfar eru mínar uppáhalds þunnu hvítu gardínur og koma úr Rúmfó…

…þær eru með örþunnum röndum á köflum, en það er eitthvað sem sést nánast ekkert þegar þær eru komnar upp…

 Gott efni í þeim og falla fallega.  Þær heita Marisko (sjá hér)…

Svo fallegar!

Þá er þetta held ég bara loksins upptalið – ef ekki þá skjótið þið á mig spurningum.

Mér þykir leitt að geta ekki reddað upplýsingum um hluti, eins og tímaritakassana, en það kemur vonandi fljótt.

Annars segi ég bara góða helgi og endilega, umfram flest, verið góð hvert við annað ♥

ps. þætti vænt um að þið mynduð smella á like-hnappinn ef þið höfðuð gaman af póstinum!