Upp á nýtt…

…og enn á ný er raðað í Vittsjö-hilluna okkar (sjá nánar hér)…

…ég verð að segja það enn, að hillurnar okkar – sem við höfum gert sjálf – eru ein uppáhalds húsgögnin okkar og endalaust gaman að raða í þær.  Það getur gefið hverju rými svo mikinn persónuleika og við viljum nú öll að heimilin okkar endurspegli okkur sjálf, ekki satt?

…í neðstu hillunni er karfa full af tímaritum…

…síðan er þetta samtýningur úr stofunni…

…dásamlega gamla ritvélin mín, og þessi silfurskál í neðstu hillunni minni er einn af uppáhalds fundunum mínum úr Góða Hirðinum…

…gömlu myndavélarnar koma frá afa mínum og svo keypti ég mér nokkrar svona þegar ég var unglingur…

…ofan á hillunni eru síðan kertastjakar, stór vasi og svo eitt og annað…

…eins og t.d. þessar fallegu geymslubækur úr Pier…

…og þessi flotti krítarhnöttur sem ég fékk mér í Target í USA þegar við vorum í Florída…

…Tips fyrir hilluröðun:
*Verð að mæla með að grúbba saman þegar raðað er í hillur, og nota bækur til þess að afmarka svæði.
*Myndaramma til þess að gera bakgrunn – því ef það væru ekki myndararnir þá myndu hillurnar virka mjög tómar.
*Vera ekki bara með kertastjaka – finna líka spennandi og öðruvísi hluti með.
*Reyna að finna jafnvægi, lítil og stór saman.  Hækka upp hluti, t.d. með bókum.
*Finna rythma – lítill hlutur, stór hlutur, lítill hlutur.

…nota hluti sem hafa tilfinningalegt gildi.  Þetta eru t.d. lóðin sem afi minn notaði á vigtina sína í bakarí-inu….

…gamalt silfurkar verður “blómapottur”…

…geggjaðar vintage flöskur sem ég fann á markaðinum hjá henni Kristbjörgu á Akranesi (Heiðarbraut 33 – sjá hér)…

…gamlar myndir og gömul myndavél…

…eins og sést þá hef ég mikinn áhuga á svona gömlum nytjahlutum sem hafa svona fegurðargildi, eins og mynda- og ritvélin, en þeir fá líka auka mikilvægi þegar þeir eiga sína sögu innan fjölskyldunnar.

Sem sé, eitt og annað – bland í poka.  En allt er þetta þarna af því að þetta gleður augað, og hjartað ❤

Sammála?

ps. þætti vænt um að þið mynduð smella á like-hnappinn ef þið höfðuð gaman af póstinum og ekki væri nú verra að heyra aðeins frá ykkur!