Florída – fyrsti hluti…

…núna í byrjun maí héldum við sem sé til Flórída í sumarfrí.  Í fyrsta lagi var það sérlega óvenjulegt að halda í sumarfrí svona í maí, að taka svona forskot á sumarið var næstum eins og að opna jólapakka á Þorláksmessu – frekar skrítið allt saman.  Fríið var langþráð og við vorum búin að bíða leeeeengi eftir því.  Þetta er auðvitað dýrt dæmi að fara í svona ferð og við vorum búin að safna fyrir þessu í langan tíma.  Við áttum vildarpunkta fyrir miðunum og það gerði þetta allt mun auðveldara, og miðarnir og bókanir voru gerðar í september á seinasta ári og þá hófst hin biðin.  Þið vitið, biðin eftir að loks var búið að ákveða þetta allt saman.

Svo var lagt í´ann, litla famelían og svo heppin að vera með tengdaforeldra mína með í för.  Í Leifstöð mættum við svo frábæru viðmóti gagnvart krökkunum að ég verð bara að minnast á það.  Allir brostu til þeirra og þau gengu lítil M&M heyrnatól að gjöf í fríhöfninni.  Síðan vorum við á leið út í vél og mættum flugstjóra frá Icelandair, sem gaf sig á tal við litla manninn og lánaði honum svo flugstjórahattinn sinn fyrir myndatöku.  Rétt eins og þið sjáið, þá var þetta litlum gaur ómetanlega skemmtilegt og eftirminnilegt…

…stóra systir fékk að prufa líka og mig langar bara að senda þakkarkveðjur út í kósmósið til þess ókunnuga flugmanns sem var svona indæll við þau bæði – yndislegur…

…sama viðmót var síðan í vélinni, krökkunum veitt sérstök athygli og lítill gjafapoki með afþreyingu.  Sem sé, vel gert Icelandair og Dutyfree í Leifstöð…

…flugið er síðan alveg svaaaaaakalega langt, en það var vitað fyrirfram og lítið annað að gera en þrauka

…og svo vorum við komin á áfangastað – hér sjáið þið húsið “okkar” og bílinn “okkar”.

Við fundum húsið í gegnum síðu sem heitir HomeAway.com og hér er beinn hlekkur á það (smella).

Við völdum þetta svæði svona frekar blindandi, höfðum ekki verið þarna áður og vissum ekki hvar væri í raun best að vera.  Flestir gáfu okkur mismunandi svör og ekkert bara “eitt” sem kom til greina…

…þetta hús heillaði mest vegna staðsetningu við tjörnina sem var á bakvið, því það stóð aðeins aftar en hin húsin og því svoldið sér og afskaplega fallegt að kíkja í kringum sig…

…síðan voru líka fjórir sólbekkir og mér fannst það líka kostur fyrir okkur fjögur fullorðnu sem vorum þarna saman…

…svefnherbergin voru fjögur – sérstæð hjónasvíta sem að tengdaforeldranir fengu með sér baðherbergi…

…Hakuna Matata-herbergið, eða eins og sonurinn segir: “Hakúmannatapa” sem var fínt fyrir krakkana, ekki bara prinsessu eða Spiderman, eitthvað sem báðum líkaði…

…síðan var það Coral-herbergið…

…og hitt hjónaherbergið sem var líka með baði innaf…

…sjónvarpsstofan, með þægilegum sófum og hurð út að lauginni…

…borðstofan og eldhúsið…

…og þetta er forstofan – í orðins fyllstu!  Dugar ekkert minna en tveir sófar og auka borðstofa svona í forstofunni.  Þar að auki var leikherbergi, með glymskratta og leiktækjum fyrir þá sem vildu!

Kostir húsins:  rólegt og fallegt hverfi, snyrtilegt og þægilegt, yndisleg útsýni
Gallar hússins: fyrir utan hjónasvítuna þá voru rúmin ekkert alltof góð – eitt rúmið brakaði og ískraði í en hitt var með mjög harðri dýnu, mætti líka laga dýnurnar í útibekkjunum (frekar þunnar), mætti “uppdeita” ýmislegt í eldhúsinu – t.d. pönnuna.

…ótvíræður kostur við að búa í svona húsi, var að það þurfti – sko ÞURFTI – að fara og kaupa í matinn á fyrsta degi.  Það kom ekkert annað til greina en Target, woop woop!, elsku Target.  Þar er gaman að vera og eins og glöggt má sjá er ég stödd þarna í skódeildinni að leita að einhverju í matinn þegar að famelían fann mig.  Litli maðurinn, hann er sonur mömmu sinnar og var þegar búinn að finna sér derhúfu og sólgleraugu sem honum bráðvantaði…

…og ég ætla einmitt að sýna ykkur fyrsta innlitið frá USA úr Targetinu góða – oh happy day indeed

…og maður minn, að vakna í um 27-30° stiga hita á morgni hverjum og rölta út í sólina, það var sko ekki slæmt.  Í raun var það bara dásamlegt…

…krakkarnir nutu sín í botn…

…kílóið af jarðarberjum kostaði um 600kr…

…og hvert jarðarber var stærra en meðal mandarína…

…enda voru nánast jarðaber með öllum mat – hví ekki sko?

…húsið er í svona afgirtu hverfi, sem að þarf kóda á hliðið til þess að komast inn.  Innan þessa hverfis er síðan klúbbhús og laug fyrir þetta hverfi…

…þangað var rölt og kíkt í kringum sig…

…sumir príluðu…

…en aðrir nutu útsýnis…

…þessi tvö sko, þau er yndis ♥

…og já – það var svona fallegt þarna!

…blómin vaxa á trjánum…

…og voru stór og falleg…

…og allt svo hreint og klippt og skorið…

…sprelligosinn okkar alltaf í fíling…

…sólin var falleg á morgnanna og allt þar til hún settist.  Allur þessi dásamlegi gróður – ó þetta er svo mikil fegurð…

…við komumst líka fljótt að því að vera með tvö börn, og annað 5 að verða 6 ára, þýðir líka bara að fara út að borða á barnvæna staði – sem er einfalt að fara með þau á.  Reyndar er alls staðar tekið vel á móti börnum en hér erum við t.d. á TGI Fridays…

…þar fékk ég eitt besta salat sem ég hef fengið mér.  Kjúklingasalat með jarðaberjum, hnetum og alls konar jömmí…

…þetta þótti okkur sko ekki leiðinlegt…

…og annar morgunn í þessari “erfiðisvinnu”…

…morgunverkin – skella sér í laugina…

…hversu amerískur er þessi ísbar?

…og enn meiri fegurð að kvöldlagi.  Pálmatrén og sólarlagið!

Viljið þið ekki örugglega sjá meira?

ps. þætti vænt um að þið mynduð smella á like-hnappinn ef þið höfðuð gaman af póstinum og ekki væri nú verra að heyra aðeins frá ykkur!