Bara svona mánudagur…

…þar sem maður hangir hérna heima við og dundar sér við hitt og þetta.

Á eldhúsborðinu standa ennþá greinarnar síðan í afmælinu, sem er indælt…

…og sömuleiðis á eyjunni – mikið er ég farin að hlakka til þess að sjá vorið birtast.  Sjá smá grænt og meððí, og bara losna við klakann og snjóinn…

…brúðarslörið sem sést í könnunni er bara orðið þurkað og stendur því núna að eilífu amen.  Þetta horn sýnir svo vel ást mína á hvítum könnum, í ýmsum stærðum og útfærslum 🙂

…nú á kökudiskinum þarna stendur venjulega glerkúpull, en hann var vant við látinn þar sem hann var í sérlegum þvotti í uppþvottavélinni – Guð blessi vinnukonuna…

…kræklan mín góða er löngu orðin þurr, en það breytir litlu um útlit hennar og því stendur hún áfram í eldhúsglugganum.  Álíka berangursleg og greinarnar sem standa úti fyrir…

…svo er ágætt að hafa svona áminningu um smáfuglana, en ég tók einmitt til í frystinum núna um daginn og fór með og gaf fuglunum.  Fínt að losa þetta út og ekki veitir af því að hjálpa þessum greyjum um æti í gogginn…

…í stofunni er dregið fyrir og litlir lasarusar eru að dunda sér í tölvuleikjum, einn lasinn og önnur slöpp – þessar flensur sko…

…meðan krílin eru lasin er mamman að dunda sér inn á milli…

…að útbúa svoldið skipulag sem ávalt gleður…

…það verður allt svo mikið betra ef það á sinn stað, ekki satt?

…lítil karfa full af afmælis- og tækifæriskortum.  En ég byrgi mig einmitt alltaf upp af þeim inn á milli.  Enda eru krakkar alltaf í afmælisveislum, að manni finnst…

…annars hlakka ég bara til þess að sýna ykkur “nýja” herbergið, sem verður vonandi í þessari viku!

Gleðilegan mánudag og vinnuviku  ♥

p.s. ef þú vildir vera svo dásamleg/ur að smella á like, svona af því að þú last póstinn og hafðir gaman að, þá yrði ég þér afar þakklát.  Ekki væri nú verra að heyra frá þér, ég er stundum hálfeinmanna hérna inni!