Blessuð jólin…

…er þá yfirstaðin.
Ljúf að vanda og líða alltof hratt.

Við héldum okkar fyrstu jól hérna heima, í ljúfum félagsskap tengdaforeldra minna, og það var bara aldeilis yndislegt.  Okkur fannst við vera sérlega fullorðin við þetta allt saman 🙂

Matargerðin gekk vonum framar.  Við vorum með hráskinku og melónu í forrétt, hamborgarhrygg sem við elduðum í ofni (ekki soðinn) í aðalrétt – ásamt brúnuðum kartöflum, sætum kartöflum og waldorf-salati.

Sum sé, gasalega fullorðins!

Nú og á sama tíma og borðið stóð svona, reddí fyrir aðfangadagskvöld…
…þá ruddust þessir þrír félagar hingað inn…

…litli gaur var nú pínu skelkaður en í öruggu fangi pabba þá slapp þetta til…

…Stormur skildi ekkert í þessum hamagangi…

…svo þegar að klukkan sló 18 á aðfangadag, þá voru þessi tvö sko meira en tilbúin að biðinni löngu væri lokið…

…spennan var alveg að fara með þau…

…að matnum loknum voru það pakkarnir – loksins!  Fyrstur var pakki frá stóru systur…

…og í honum var hann Bob…

…og óhætt að segja að hann hafi slegið í gegn svo um munar…

…systirin fékk sko verðskuldað knús fyrir þessa gjöf…

…alltaf svo yndislegir föndurpakkarnir sem krakkarnir gera – og Bob auðvitað með…

…jólakúla með handafari, og svona fín mynd með jólasveini með handafarsskeggi…

…og þegar maður er fimm ára, þá er þumall upp fyrir jólunum sko algjörlega málið – og auðvitað ömmuknús…

…yndislega daman okkar tekur hlutverk sitt að lesa á pakkana mjög alvarlega…

…og stendur sig með prýði…

…og svo, þegar öllu er lokið, þá er ástand stofunnar fremur bágborið.  Svona í raun má segja að hún sé alveg sprungin…

Við erum síðan búin að koma á þeirri hefð, að á jóladagsmorgun, þá eru sokkarnir “fylltir” með hinu og þessu smálegu (tannburstar, Pezkallar og pínu Lego kassi) – siður sem að krakkarnir hafa sérlega gaman að…
…og í svona líka fínu jólaskapi…

…Stormi fannst reyndar eitthvað lítið fyrir sig í þessum sokkum…

…fannst þetta ekki eins skemmtilegt og krílunum…

…en engar áhyggjur – hann fékk svínseyru, bein og lifrapyslu, ásamt ýmsu öðru góðgæti…

…síðan var deginum eytt í þetta að mestu leyti – setja saman gersemarnar eftir kúnstarinnar reglum – og Bob með…

…mér fannst svoldið gaman að horfa eftir ganginum og sjá þetta hérna ♥

…og þegar farið var að sofa, þá stóðst ég ekki mátið að mynda litla manninn – með Bob sínum…

…og yndislega stelpan okkar sofnaði með nefið ofan í bók – alveg eins og það á að vera á jólum! ♥

Þannig að ca svona voru jólin, bætið við ótæpilegu magni af mat, 11 óvæntum en afar velkomnum gestum í eftirrétt á aðfangadag, matarboði hjá tengdaforeldrunum, matarboði hjá okkur fyrir systkini mín, foreldra og afleggjara (20+ manns) og bara almennri leti með!

Jólaknús til ykkar frá oss ♥