Jólaborð – seinni hluti…

…og enn erum við að vinna með fallegu hlutina úr Litlu Garðbúðinni!

Ég tók tvær mismunandi tegundir af servéttum og blandaði þeim saman, mér finnst oft svo gaman að sjá ólíkar servéttur sem eiga samt litatóna sameiginlega og tala þannig saman…

…nú og ef við leggum á jólaborð – þá gæti það verið svona!

…mér þætti nú ekki leiðinlegt að setjast til borðs, að það væru svona fínir skrautskór á diskinum mínum 😉  Takið líka eftir hvað það er dásamlegir litir í þessum jólatrjám á servéttunum…

…og við erum með saft í flösku, sem og vatn…

…dásemdar kertaljós…

…enn jafn kát með stólana mína – og hversu opið allt er.  Svo sjáið þið í rassinn á Storminum, þar sem hann liggur og starir út í garð – hundarassar eru líka svo jóló ekki satt?

…þetta er nánast einfaldasta “skreyting” sem er hægt að gera á jólaborð – fallegar servéttur og jólaskraut sem viðkomandi gestur fær svo að eiga.  Eða bara fyrir heimilisfólkið til þess að hengja á jólatréð…

…stjörnur eru alltaf að stinga sér inn á myndirnar…

…eða liggja bara svona líka fallega kyrrar…

…svo má reyndar ræða um hvort að það séu mannasiðir að geyma skó svona á matardiskunum 😉

…svona upphækkanir eru algjörlega nauðsynlegar, ekki satt?

…sem og stígvélin…

…svo ekki sé minnst á þennan fallega jólalöber…

..en þetta er nú bara ágætlega hátíðlegt jólaborð, ekki sammála?

…gervigrenið er náttúrulega líka snilld fyrir þær sem eru eitthvað pödduhræddar og alveg víst að það breytist ekkert með tímanum…

…og uppskrifin er þá í raun bara:
Upphækkun – sleðinn hér – en gæti líka verið kökudiskur/kassi?
Fallegur löber
Greni
Nokkrir kertastjakar

…og auðvitað skór, það verða að vera skór!

…og þar höfum við þar – jólaborð fyrir fjóra, en auðvelt að bæta við diskum reyndar – nóg er plássið…

…stjarnan mín og stjarnan þín…

…síðan, þar sem svo margir hafa spurt – þá langaði mig líka að sýna ykkur gervi Cypris-a sem að fást líka í Litlu Garðbúðinni, smá snjór á þeim og alveg æðislegir…

…og mér fannst það alveg pörfekt frammi á gangi, ásamt sleðanum fallega…

…bara frekar bjútífúlt!  Ekki satt?

Hvernig leggst svona jólaborð í ykkur?

Hvað er uppáhalds?

Tré, greinarnar og sleðinn eru að toppa þetta hjá mér 🙂

Vona að þið eigið yndislega helgi, ég á stefnumót við Baggalútstónleika og gæti ekki verið spenntari!

ps. þætti vænt um að þið mynduð smella á like-hnappinn ef þið höfðuð gaman af póstinum og svo má auðvitað deila honum ef þið hafið hug á!