…nei sko!
Hver segir að maður þurfi að vera að gifta sig til þess að kaupa eitthvað í brúðarlínu Ikea 😉
…haldið þið ekki bara að ég hafi keypt þessa líka fínu krukku á fæti, reyndar notaða á sölugrúbbu á Facebook, og ég skellti henni rakleiðis inn á bað (krukkunni, ekki sölugrúbbunni)…
…og ekki veitti af að bæta við krukkuborgina þar inni…
…eins og þið sjáið – þá er þessi á tveimur hæðum orðið ofaukið núna, og þarf að finna nýjan tilgang fyrir þessa núna. En baðsaltið er ennþá í sinni krukku og fer bara vel…
…og oft er hægt að skella bara sprittkertastjökum ofan á venjulega kertastjaka…
…og alveg síðan að húsbandið kvartaði yfir Maríu í öryggishjálmi, sem fylgdist með okkar klósettferðum (sjá hér) þá ákvað ég endilega að halda heilagri stemmingu þarna inni – en bara án hlífðarbúnaðar…
..og ég verð að játa að ég er þvílík pjattrófa að ég gæti þess að kaupa eyrnapinna með hvítu, frekar en bláu priki. Ójá, ég er svo slæm. Eitt af því sem ég þoli ekki er t.d. klósettpappír og eldhústissjú með mynstri á 🙂
Pabbi greyjið fór einu sinni í búðina fyrir mig og keypti eldhúsrúllur, kom svo með þær hingað og þær voru skreyttar einhverjum fígúrum – ég þakkaði honum kærlega fyrir hugulsemina og sendi hann með þær heim aftur þegar hann fór…
…en er það ekki bara málið?
Þarf maður ekki bara að vera passlega bilaður þegar að það kemur að öllu svona?!?
ps. þætti vænt um að þið mynduð smella á like-hnappinn ef þið höfðuð gaman af póstinum og ekki væri nú verra að heyra aðeins frá ykkur!
Það er mjög svo heilbrigt að vera passlega bilaður. Held maður komist ekki almennilega í gegnum lífið án þess….tel mér að minnsta kosti trú um það og plís leyfið mér að halda það áfram 😉
Á líka svona krukku úr brúðarlínunni flottu (hey…ég á nú einu sinni 10 ára brúðkaupsafmæli í febrúar!!) en hef bara ekki enn fundið nógu góðan stað fyrir hana þannig að hún er enn í kassanum… *roðn*. EN! Þegar ég er búin að skipuleggja heimilið mitt í drasl ÞÁ fær hún sinn heiðurssess… 😉
hahahaha… er svo glöð að heyra þetta með eyrnapinnana. Eiginmaðurinn keypti einhvern tímann með bláu priki og þeir voru lokaðir inni í skáp en fengu ekki að fara í krukku….. 😉
Fallegt, en var þessi krukka bara til í korter hjá IKEA ? langar alveg heilmikið í svona 🙂
Þessi lína kom í byrjun sumars og er held ég hætt í sölu. Ég keypti þessa notaða núna í ágúst held ég 🙂
Svoooo flott ☺☺… Langar að gera svona fint i nyja hùsinu minu 😉
Mér fannst einhvern vegin svo sjálfsagt að allir myndu kaupa hvítu eyrnapinnana að ég var ekki búin að taka eftir því að ég “veldi” þá frekar en aðra fyrr en ég las þennan póst. Pældi samt aldrei í því hver myndi kaupa þessa bláu 😉 Er reyndar líka í þessum hvíta klósett- og eldhúspappír, nema mig hefur reyndar alltaf langað í klósettpappír með jólasveinum (stórum) til þess að vera með þegar ég held jólaboð. Svona til þess að láta fólkið mitt fá áfall :p Geri það um leið og ég finn þannig pappír 🙂 Elska þessar krukkur samt og á örugglega eftir að skoða þær betur!