Innlit í Handverkshúsið…

…um daginn vorum við að leita að fertugsafmælisgjöf handa góðum vini okkar og datt í hug að gefa honum Leatherman.  Fyrir ykkur sem ekki vitið, þá er Leatherman svona “strákadót”.  Þetta eru svona ofurvasahnífar sem geta allt – eða svo gott sem.

Við fundum loks þann rétta í Handverkshúsinu, og ég verð bara að segja að ég var að uppgvöta þessa búð þegar ég datt þarna inn þá.

Þið sem eruð eitthvað að föndra og dúllast – þarna verðið þið að fara…

…það má í raun segja að þarna fáist allt til alls – og svo meira til.  Þetta er þessi föndurbúð, eins og “við konurnar” höfum svo gaman að – en þetta er líka með öllum græjunum, sem “við konurnar” ættum að eiga mikið meira af!  En eitt í einu…

…hér er t.d. nóg af öllu til þess að föndra klukkur – það eina sem að stoppar þig er ímyndunaraflið…

…og alls konar skífur og meððí…

…það er eitthvað ótrúlega skemmtilegt að mynda klukkur – af hverju er það?

…og auðvitað gangverk…

…svo fyrir ykkur sem ætlið að gera og gefa skart, þá fást alls konar box þarna…

…svo ekki sé minnst á allt blingið…

…sem bíður eftir að vera sett saman í svona fallegar festar…

…alls konar fylgihlutir (og munið að þeir eru líka skemmtilegir til þess að skreyta kerti)…

…það er einmitt boðið upp á stórsniðug námskeið í skartgripagerð (sjá hér)…

…og það er sko örugglega nóg úrvalið þarna…

…réttu græjurnar gera gæfumuninn…

…sko bara – hamar er ekki bara hamar…

…nú og ef að þið eruð ekki fullar af innblæstri, þá má bara tylla sér niður og finna andann flæða yfir sig…

…og nóg er af “anda” á svæðinu…

…og af mörgæsum 🙂

…bara setjast í kósý sófann…

…og jafnvel fá sér kaffibolla með…

…ég var búin að segja það sko, bling bling…

…og svo eru þau með alveg stórskemmtilega HomeDecor-deild…

…þar sem hægt er að finna allt til alls…

…ótrúlega mikið af töff hugmyndum…

…og auðvitað alls konar bæs og sprey og læti…

…þarna sjást nú kúlustjakarnir sem að slógu svo hressilega í gegn fyrir jólin í fyrra…

…og sniðugir hitaplattar…

…það er líka næstum sama í hvaða föndurpælingum þú ert, þú finnur græjurnar þarna…

…haha – gjúgg…

…á þessa væri nú hægt að framkvæma einhverja gjörninga, ekki satt?

…eða útbúa töff brauð/ostabretti úr svona?

Það er nefnilega eitt af því sem að mér finnst svoldið spennó við þessa búð – það eru allar þessar græjur, sem maður kann ekki á, en hugsið ykkur hvað maður gæti gert ef maður kæmi sér í að læra.

Það er húsgagnasmiður sem að starfar þarna, tilbúin að gefa manni ráðleggingar og aðstoð – og alveg um að gera að nýta sér ráð frá fagmönnum…

…og það eru alls konar námskeið, í tálgun og tréútskurði og bara fleira og fleira (sjá hér)…

…og þarna eru líka réttu tækin og tólin…

…og töff aðstaða – húrra…

…efniviður sem bíður í rekkum…

…og hefilbekkirnir – sko mig, segið svo að ég hafi ekkert lært í smíðum í skóla…

…ég spjallaði lengi við hana Sibbu, sem starfar þarna líka og er menntaður innanhúsarkitekt.  Hún er öll í HomeDecor-deildinni og er búin að vera að panta inn alls konar spennandi…

…og þar að auki, er búðin bara falleg – snyrtileg og áhugaverð…

…ekki amalegt það!

Þarna sjáið þið líka fullt af gleri…

…og það er einmitt hægt að fara á svona Tiffanys glernámskeið (sjá hér)…

Annars er um að gera að kíkja bara í heimsókn, Handverkshúsið er á Dalvegi 10-14 í Kópavogi, sama húsi og Kostur.   Þau eru svo elskuleg, að þau ætla að bjóða ykkur lesendum upp á 20% afslátt í HomeDecor-deildinni fram til 1.október – þannig að þið ættuð endilega að nýta ykkur það.

 

Hér er heimasíðan hjá Handverkshúsinu

og

hér er Handverkshúsið á Facebook!

ps. þætti vænt um að þið mynduð smella á like-hnappinn ef þið höfðuð gaman af póstinum og ekki væri nú verra að heyra aðeins frá ykkur!