Rigningardagur…

…og með slatta af roki.  Þannig var gærdagurinn, og þannig er pósturinn því í dag!

…það var einhvern veginn dimmt allan daginn, og ég ákvað að leyfa því að njóta sín á myndunum…

…það er kannski skrítið að tala um að leyfa myrkri að njóta sín, en mér fannst þetta eitthvað svo dásamlega kósý.  Ég var ein heima, kveikti á kertum, kíkti í bækur og naut þess að heyra í rokinu úti og horfa á regnið á gluggunum…

…og það er líka bara kósý stundum…

…Stormur var reyndar eitthvað þreyttur/svekktur – kannski langaði hann bara út að hlaupa í rigningunni…

…og talandi um bækur, þá ákvað ég að taka nýju bækurnar mínar – sem ég var að fá frá Amazon – og blaða í gegnum þær með ykkur.  En þið vitið líka að svona bækur eru skemmtilegar í uppstillingar og sem punt hreinlega…

…þá var bara að setjast við kertaljósið við eldhúsborðið og byrja…

…en sem sé, ég pantaði bækurnar allar í einu, þær kostuðu saman um 18þús (hey, ég átti afmæli um daginn) – tók þær með long shipping (átti að vera 4-5 vikur) en fékk þær hingað heim á rétt um viku og borgaði eitthvað um 2000kr í tolla…

Elements of Style, er fyrsta bókin (þið getið smellt á feitletraðan titilinn til þess að skoða bókina beint á Amazon)…

…þessi bók er mjög flott – en af þessum sem ég pantaði – þá er samt minnst í henni sem að heillaði mig…

…þrátt fyrir að það sé svo sannarlega flottar myndir og hugmyndir…

…og hey, sumar meira segja eins og hjá mér – eða svona næstum…

…og skemmtileg barnaherbergi…

The Nesting Place, er skemmtileg – er skrifuð af bloggara og mér fannst mjög gaman að skoða hana…

…sérstaklega fíla ég vel “tag-line” bókarinnar, því að mér finnst það vera nákvæmlega sá boðskapur sem ég reyni að koma á framfæri:
 Hlutirnir þurfa ekki að vera fullkomnir til þess að vera fallegir!

…hún er meira að segja búin að vera að blogga í 5 ár eins og ég 🙂

…en það er margt fallegt og sniðugar hugmyndir…

…og mikið rétt – maður tekur þetta eitt rými í einu…

…lofit…

…finnst þessi diskaveggur æðislegur…

…er ekki alveg sannfærð um “draslmyndina” en það er allt í lagi…

…og ef ég væri með svona fínar hillur í þvottahúsinu – þá þyrfti að geyma eitthvað meira í þeim en bara svona skrauterí 🙂

Modern Rustic – mjög töff!

…svo flott forstofa…

…og þarna eru hlutir sem mér finnst alveg geggjaðir…

…einsn og þessi uppstilling…

…og þetta vinnupláss…

…æðislegt krakkabergi og sveppurinn er að njóta sín svo vel…

…grófar spýtur notaðar í rúmgafl, við bling ljós – allt gott, svo gott…

…nema þegar maður sér heildina, þá finnst mér þetta kannski aaaaaaðeins of mikið…

…og ég væri ekki að fíla þetta pallettu eldhús – þarna er farið yfir strikið mitt 🙂

…en hér erum við hins vegar hárréttu megin við mitt strik…

…sérstaklega þegar við blöndum fallegum og fínlegum blómum saman við gróóóófa vasa – víííííí…

…”Drápuhlíðargrjót” í flottu umhverfi…

…pöööööörfektó…

Síðan er það bókin hennar Rachel Ashwell – Couture Praire…

…og hér eru blúndur og blóm og alles…

…þetta er bókin sem gæti fallið undir Shabby chic-fílinginn, og mér finnst hann fallegur með.  Aðeins og mikið t.d. svona í þessum jólum…

…en þið þekkið ást mína á könnum…

….og blómum og þetta gamla borð – mamma mia…

…og labradorar! awwwww…

….meiri könnur með blómum…

…ansi hreint huggó – þó ég segi sjálf frá…

..sveitó vaskur – svo maður getur komið með blómin beint inn af enginu og snyrt þau yfir vaskinu – blikk blikk 🙂

…það er líka svo skemmtilegt með svona stíla í bókum, að eins og ég fíla þetta hérna…

…þá myndi ég aldrei fíla þetta – sérstaklega útaf gardínunum.  Ekki fyrir mig.  Þess vegna finnst mér að fólk eigi bara að velja það sem gleður – úr hinni og þessari áttinni og láta það passa saman…

Seinust er svo A Life Less Ordinary – og hún er alveg dásamlega falleg…

…td er margar blaðsíðurnar svona þunnar – þannig að næsta á eftir sést í gegn…

…svo fallegt…

…full af gömlum fjársjóðum…

…og falllegum uppstillingum…

…oft bara einföldum…

…og öðrum flóknari og svo fallegum…

…sjáið bara…

…maður fyllist innblæstri við þetta…

…geggjað eldhús…

…og hvað ég myndi nú elska svona baðkar á fótum…

…fallegir hlutir í krukkum…

Ahhhh….eruð þið ekki spenntar í svona bækur eftir þetta?

Ég keypti mér alltaf svo mikið af blöðum, þið vitið hérna í denn.  Alveg frá því að ég var bara krakki að kaupa Popcorn og Bravo-blóðin, unglingur í kvikmyndablöðum, og svo fullorðin í svona fallegum tímaritum.  Síðan ákvað ég að hætta að kaupa þetta allt saman, þegar maður fór að vera svona mikið á netinu – og læt frekar eftir mér að kaupa svona bækur endrum og sinnum.  Gerði þetta seinast hér og hér og hér, og bíð núna spennt eftir YoungHouseLove-bókinni nýju 🙂

Ég spurði í gær inni á Facebook síðunni, hvort að þið hefðuð tekið á eftir muninum á ameríska innlitinu sem ég birti í gær, og öllum þessum skandinavísku innlitum sem við sjáum víða 🙂

Það sem mér fannst svo skemmtilegt – og þetta á við um flest usa blogg – og líka bækurnar sem ég var að sýna ykkur – er að í það er ekkert af þessum “þekktu” hlutum sem við sjáum á næstum því hverri einustu mynd á skandinavíu-myndunum.

Ekkert Iittala, enginn Letter-bolli, ekkert Pia Wallen teppi, engin hangandi ljósasería frá House Doctor, engar grafískar myndir, engin plagöt með Andy Warhol-tilvitnun, enginn Kahler-vasi. Þið fattið hvað ég meina.

Mér finnst þetta fyndinn munur.  Mér finnst eins og fólk í USA sé frekar að setja hluti inn til sín – af því að þeim finnst það fallegt, frekar en af því að þetta er “í tísku”.  Ég er alls ekki að segja að þetta séu ekki fallegir hlutir (designer hlutirnir), eða að fólk sé ekki að vilja þá af því að þeir höfði til þeirra – mér finnst þetta bara svo áberandi munur!

Hvað finnst ykkur um þetta? Tókuð þið eftir þessu?

Það er nefnilega svo mikið verið að matreiða fyrir okkur, bara með því að skoða Pinterest og allt saman að maður verður hálf kreisí.  Ég var t.d. komin með það á heilann á tímabili að ég YRÐI að eignast Pia Wallen-teppið, ég bara VARÐ!

Síðan fattaði ég bara að ég var búin að sjá það svo oft, að þetta var komið í undirmeðvitundina.  Sama með Stockholm-mottuna frá Ikea, þið vitið þessa svörtu og hvítu, hún er alls staðar – og ég var alveg að verða sjúr að hana vantaði í stofuna hjá mér.

Fjúúúúúú – maður þarf sko að hemja sig stundum.

Hafið þið ekkert lent í þessu?

Eins gott að hætta þessu núna – þvílíkur maraþonpóstur  – abbsakið málæðið, maðurinn minn segir líka oft að ég tali mikið þannig að ég skrifa greinilega mikið líka 🙂

Vona að þið eigið yndislegan dag ♥

ps. þætti vænt um að þið mynduð smella á like-hnappinn ef þið höfðuð gaman af póstinum og ekki væri nú verra að heyra aðeins frá ykkur!