Gilded forrest..

var að skoða vefsíðuna hjá Pier 1 Imports í USA. Þetta eru held ég ekki sömu vörur og eru í Pier hérna heima, veit ekki einu sinni hvort að það séu einhver tengsl þarna á milli.

Þeir eru með 5 línur í jólaskreytingunum í ár: Couture Christmas, Yuletide Treasures, Gilded Forest, Flights of Fantasy og Merry & Bright.

Jemundur minn hvað myndirnar af Gilded Forest línunni töluðu beint til mín 🙂 Greinarnar með kúlum og uglum, og pínu hreiðri með gersemum.

Kransinn með könglum, kúlum og hreindýrið (kransinn kannski aðeins of gervilegur reyndar).

og þetta er svo uppáhaldið mitt – sjáið þið þessa jólasokka – dásemd bara 🙂 Æðislegir líka sokkahankarnir, en jólasokkarir eru jömmí. Sé fyrir mér að fara bara í næstu Rauða Kross búð og kaupa gamla hvíta peysu og reyna að útbúa svona. Hrikalega flottir…

Lýsingin á línunni er hádramatísk: ” Ef tunglsgeisli og blettatígur myndu eignast afkvæmi þá væri það þessi lína. Þarna mætist náttúran og glitrið. Dýramynstur, gróf áferð náttúrulegra efna og glimmer ofan á allt setur punktinn yfir i-ið.” Úúúúúkey, ef ég hefði lesið þetta fyrst án þess að sjá þessar myndir – þá hefði ég sennilegast ekki einu sinni nennt að kíkja á þetta. Það sem meira er, ef maður kíkir hérna á skrautið beint, þá virkar það ekkert spes.