Þeir sem vorinu heitast unna…

…ég er frekar ljóðelsk.  Ákveðin ljóð og textar eru bara þannig að þeir snerta strengi í hjartanu og vekja upp svo góða tilfinningu.  Í þau skipti sem að ég tók innlit hjá Púkó og Smart, þá var í miklu uppáhaldi hjá mér vegglímmiði sem þar var uppi.  Á honum stendur lína úr ljóðinu Nú Skil ég stráin eftir Davíð Stefánsson:

Þeir vita það best, hvað vetur er, sem vorinu heitast unna.

Af einhverjum orsökum þá hreif þessi lína mig alveg upp úr skónum og ég var alltaf að hugsa um hana.  Þar sem ég get ekki lengur farið í Púkó & Smart og mænt á vegginn þá ákvað ég bara að verða mér úti um límmiða í staðinn, mar reddar sér sko!

Þessir límmiðar koma frá VEGG…

og þær eru með sniðug myndbönd sem sýna uppsetningu á þessu og mér fannst kjörið að leyfa því að fylgja með, síðan eru líka mjög góðar leiðbeiningar á síðunni þeirra (smella hér)…

 

…húsbandið reif síðan upp mælitækið góða, því hann er ekkert ef ekki nákvæmasti maður á Íslandi.  Fer alveg með taugarnar hjá honum þegar að ég stend og ca about-a alveg út í loftið 🙂

…besti vinur nákvæma mannsins…

…ég fór með gamalt kort ofan í einstakan barnasokk sem var orðinn atvinnulaus og strauk vel yfir límmiðann, til þess að gæta þess að hann festist vel á þynnra bréfinu…

…nú og svo var hægur leikur að festa þetta beint á vegginn 😉

….gleður húsbandið þessi nákvæmisvinna…

…og svo er bara að draga bréfið vaaaaaaarlega af…

…og gæta sín veeeeeeeel…

…og þá eru komin orð á vegg sem gleðja hjartað…

…og á morgun kemur framhaldspóstur, með allri forstofunni 😉

ps. þætti vænt um að þið mynduð smella á like-hnappinn ef þið höfðuð gaman af póstinum!