Lítið eitt…

…þarf stundum til!

Stundum þarf bara að finna einn einasta snaga í Góða, og la voila, málið er leyst…

…litla mini-gelgjan mín, og vinkonur hennar, kvörtuðu sáran yfir að þurfa að fara “alla leið” fram á bað til þess að kíkja á sig í spegli þegar þær voru að leika sér…

…það var því kjörið að setja gamlan spegil, sem ég keypti fyrir kannski 5 árum í Tiger, og skella honum á vegginn…

…og svo varð umræddur snagi, sem fannst í Góða, og fékk ekki neina með-í-ferð, heldur bara leit alveg svona út.  Sem fékk heiðurssæti beint undir rammanum…

…enda er hann fagur mjög, þetta krútt.  Dömur þurfa víst líka snaga fyrir töskur, veski, hálsfestar og annað slíkt.
Ágætis nýting að setja svona bara á bakvið hurðina…

…er líka sérlega kát með það að spegillinn er svona einfaldur, en samt sem áður með þessu svona mynstri á – og kallast svona skemmtilega á við ramman á veggnum hinum megin 🙂

Oftúlkanir og of miklar pælingar?  Eflaust, en maður má svoleiðis bara alveg…

…og enn og aftur sannast hin fornkveðna vísa:
“aldrei skal neinu henda,
því konan er á eilífu breytingarskeiði,
og kemur til með að nýta þetta að lokum.
Hana nú og amen!”

…stuttur var hann þessi póstur – en þeir geta víst ekki allir verið stórir, sumir eru bara pínu peð 🙂

ps. þætti vænt um að þið mynduð smella á like-hnappinn ef þið höfðuð gaman af póstinum!