Stundum…

…ég held að það hafi orðið einhver stafaruglingur!

Í staðinn fyrir vor, þá fengum við for, hor og alls konar leiðindi sem eru ekki með v-i.  Síðan ætla ég ekki að segja meira um þetta veður sem ég var föst í, í næstum 2 klst úti á miðri götu, í gær!  Hana nú!

Þess í stað ætla ég að vera dreymin og sýna ykkur fallega liti og hluti og…

…ég var reyndar búin að sýna ykkur þennan disk inni á Facebook-síðunni, en ég fékk hann í Rúmfó á Korputorgi fyrir helgi.  Sá hann síðan bara í fyrradag líka…

…og mér finnst hann alveg dásamlega fallegur.

Ég er reyndar búin að vera í smá pælingum um að spreyj´ann í flottum lit, en í bili…

…þá fær hann að vera eins og hann er, bara fallegur!

Svo var það þessi skápur í eldhúsinu.  Hann er svona til hliðar, við hliðina á eldavélinni og nær að safna og heljarinnar drasli.  Eins og sést á þessari mynd – þarna sting ég oft inn hinu og þessu, því að hann er svona vel úr augnsýn – sem sé felur ýmsar syndir 🙂

…eins og ég var ánægð með límfilmuna í bakinu á honum, þegar ég setti hana upp – þá var ég orðin jafn leið á henni dag.  Sjáið til, þetta er ástæðan fyrir einföldum breytingum – þegar kona hefur álíka athyglisbrest og Dóra í Nemó…

…því varð úr að filman var tekin úr bakinu. Einfalt mál, og ég ætlaði meira að segja að setja marmarafilmu í bakið.  En……..svo bregðast krosstré sem önnur tré, og sökum umrædds athyglisbrests, þá datt ég bara í þann pakka að slepppa að filma bakið í þetta sinn.

Fannst þetta eitthvað einfalt og bara fallegt svona…

…þar sem ég er ekki litaglöð að eðlisfari þá finnst mér þetta skemmtilegur staður til þess að blanda smá litum inn í eldhúsið og nota þetta huggulega góss sem maður á…

…eins notaði ég trébakkana sem ég keypti á slikk í Ilva á útsölu, og setti í efstu og neðstu hillurnar.  Sem varð að algerri snilld til þess að draga saman alla hlutina, og þá virkar þetta ekki “draslaralegt”…

…myntugrænn og bleikur leika sér saman í eldhúsinu, gasalega þægir og góðir saman…

…og dýraskálarnar dásamlegu sjást þarna áægtlega vel, ásamt fallegum flöskum og rörum…

…ég er allt í einu orðin alveg gasalega kát með þennan 1300kall sem ég eyddi í þessa bakka, finnst þeir gera heilan helling fyrir skápinn…

…fínt að nota svo kertastjakana til þess að draga myntulitinn svona í gluggann líka…

…og kökudiskinn sem ég DIY-aði…

…og enn og aftur, vá hvað ég er kát með að hafa tekið blómalímfilmuna í burtu.

Þetta er akkurart ástæðan fyrir að ég gæti t.d. ekki fengið mér tattú, væri örugglega komið með leið eftir korter 😉

…gamla góða vinnukonan stendur svo á borðinu, en hún kemur frá ömmu eiginmannsins, en alltaf jafn dugleg þessi elska…

…svo get ég ekki sagt það of oft, en ég elska þegar að maður eignast svona nytjahluti sem eru svona fagrir…

…og svo er um að gera að stilla hversdagslegu hlutunum líka…

…þessi drottning er komin í hornið í bili, svona þar til annað gerist…

…og svo er það stemmingin þegar rökkva tekur…

…hún er alltaf uppáhalds!

…og oftast þarf svo lítið til þess að gera kósý ❤

Vona að þið eigið yndislegan dag!

ps. þætti vænt um að þið mynduð smella á like-hnappinn ef þið höfðuð gaman af póstinum!