Hægri snú…

…dag einn í seinustu viku, þá tók ég mig til og sneri herbergi litla mannsins.
Þetta tók um það bil 3 tíma, með smá pásum, og var vel þess virði þegar að upp var staðið.

Því miður þurftum við að taka í burtu dásemdar gamla barnarúmið okkar (sjá hér) og í bili þá er hann kominn með rúmið frá systur sinni.  En ég er að leita að hinu eina “rétta” rúmi.

Ég verð að segja að svona breytingar, þær virka stundum eins og þerapía fyrir mig.  Ég hugsa og pæli og sný og raða og mér finnst þetta snilld.

Ég hugsaði meira að segja svo mikið, að ég held að ég hafi fattað hvers vegna ég breyti svona ört í þessum herbergjum.  Það er nefnilega svo gott að taka allt í gegn frá A-Ö því að þá fer maður yfir dótið og sorterar og fær svona hreina aaaaaaaa-tilfinningu.

 Hrein aaaaaa-tilfinning verður seint ofmetin ❤

…það er svo sem lítið eða ekkert nýtt í hillunum.  Enda snerist þetta ekki um það.  Heldur bara að raða til og koma fyrir því sem að litli maðurinn átti.  Enda voru afmælis- og jólagjafir sem hafa bæst við.  En ég, persónulega og prívat, trúi statt og stöðugt á það að stilla upp með og raða bara leikföngum íbarnaherbergjum.

Enda eiga flest börn fullt af dóti, svo ekki sé minnst á allar fallegu bækurnar, sem eru kjörnar til þess að koma með fallega liti inn í rýmin.

…kommóðan er sem sé komin í hornið, þar sem rúmið stóð áður.

Ég færði ekki neina nagla eða hillur, það stendur enn allt á sama stað.

…og við gluggatjöldin stendur þessi litla grúbba af leikföngum.

Eins og sést þá er mottan farin, og ég er núna að leita að hinni einu sönnu mottu þarna inn.  Verst að ég var búin að sjá mottu sem fannst pörfekt í Rúmfó í fyrra, en var of lengi að hugsa og missti af henni.  Kannski kemur hún bara aftur í vor – krossa fingur.

Rúmið er svo komið á vegginn undir “tréhillunni”, og kemur það bara ágætlega út.

Kistillinn úr Rúmfó geymir líka búninga og annað slíkt, auk þess að vera náttborð.

Ég átti vegglímmiða frá því áður en herbergið var málað, sem ég notaði í millitíðinni til þess að líma bara aftan á hurðina og skreyta hana, en tók þá af og límdi á vegginn í ljósgeislann af lampanum.  Svo þar til ég set eitthvað á vegginn.

Ég elska síðan að vera með svona körfur og hirslur sem er þægilegt fyrir krakka að setja dótið í og ganga frá því, en eru samt fallegar.  Snilld!

Er síðan með svona græna körfu í hillunni þar sem hann getur sett allar bækurnar sem eru í gangi og skiptir engu máli hvernig er gengið frá þeim.  Enda eru litlir gaurar ekkert mikið að nenna að raða eftir stærðum eða einhverjum pælingum.

Þessi hér var töluvert flóknari í flutningum.  En ég færði hana nú ein engu síður.  Þurfti bara að tæma úr henni, vera á tánum og setja undir hana og svo ýýýýýta 😉

Þegar þú stendur í hurðinni, þá lýtur þetta svona út.  En ég varð mjög fegin að hún passaði á þessa vegu líka.  Hún stendur sem sé núna þar sem kommóðan var áður.

Hillan er enn í uppáhaldi og tekur heilan helling af dóti og bókum ❤

Bósi stendur undir nafni og er í hellings fíling þarna í hillunni, með sína eigin diskókúlu og sjáið bara mjaðmahnykkina.

Svo fer ég ekki ofan af því að bækur eru eitt fallegasta skrautið í barnaherbergin.

Stilla upp böngsum er líka sætt!

Svo er auðvitað sniðugt að nota hluti eins og skírnarkertin.

Sko bara, ekki lengi verið að týna saman kallana og smádótið þegar hægt er að setja það beint í poka og svo sér Spiderman um að passa allt góssið.

Síðan er það snilld að geta komið svona stórum hlutum fyrir í hillu.

Í glugganum standa síðan tveir vinir.

Í skýjahillunni eru eldgamlar bækur, hjólabókina átti eiginmaðurinn þegar hann var smásnuð.

Gamlar myndir prýða svo efri hilluna.

Lestarstöð er komin á gólfið, en honum finnst þetta ótrúlega skemmtilegt leikfang og setur það reglulega upp sjálfur.

Skiltið sem hún Maggý í Fonts útbjó fyrir mig fær svo að vera fyrir ofan rúmið, ásamt mynd af Waterfall sem litli gaur sníkti út úr afa sínum ❤  Svo er ágætt að geta lesið í Barbapabba eða einhverju skemmtilegu fyrir svefninn og þær bækur fá þá að hvíla þarna til viðbótar.

Litla grúbban breytist stundum.  En litla tásufarið er nú í miklu uppáhaldi og auðvita uglulistaverkið eftir Ellu frænku (sjá hér).

Litla fánalengjan fékkst að mig minni í Söstrene og var keypt og notuð í afmæli, svo var kjörið að veita henni framhaldslíf svona á hreindýrinu sem ég fann í Góða.

Þannig erum við komin heilan hring í herberginu.  Þetta er víst ekki stórt herbergi, en það nýtist nokkuð vel!

Svo verð ég að bæta smá við hérna í lokin.  Eins og þið vitið flest þá misstum við Raffa okkar nýverið ❤  Krakkarnir voru báðir búin að biðja um mynd af honum inn í herbergi til sín og mér fannst það lítið mál að verða við þeirri bón.  Síðan var ég að ráfa um á Facebook og rak augun í auglýsingu frá Art & Text sem vakti athygli mína (sjá hér)

Úr varð svo að þessi hérna flutti inn.

Það sem að þau urðu ánægð að geta kúrt með og sofið á púðanum ❤

Segi ekki alveg að þau geti knúsað Raffa sinn, því ekkert jafnast á við það – en púðinn er dásamlega mjúkur og fallegur, og hægt að þvo hann í vél.

Að sama skapi fékk daman auðvitað svona púða líka.

Þau hjá Art & Text voru síðan svo sæt að bjóða upp á 10% afslátt fyrir ykkur sem viljið fá ykkur svona persónulega púða.  Þið þurfið bara að minnast á síðuna og afsláttinn þegar þið pantið.

Smellið hér til þess að komast á síðu Art&Text

Þið sem hélduð allan þennann póst út – til hamingju – þvílíka maraþonið! ❤

 ps. þætti vænt um að þið mynduð smella á like-hnappinn ef þið höfðuð gaman af póstinum!