Örlítið DIY…

…því það er bara gaman!

Þegar maður notar bakka, þá er það í raun til þess að draga svæði saman.  Alls konar mismunandi hlutir, sem virðast eiga lítið eitt sameiginlegt, verða að einni heild þegar þeir eru komnir saman á bakka.  Að sama skapi er hægt að notast við ýmislegt annað sem virkar eins, t.d. bækur.

Þar sem ég var á þvælingi í Góða Hirðinum um daginn, þá rak ég augun í trébretti.  Tréskurðarbretti.  Þar sem það kostaði ekki mikið, þá keypti ég blessað brettið…

…ég ákvað svo að nota svarta kalkmálningu frá Föndru sem ég átti…

…og fór yfir alla kantana eins og sést…

…síðan tók ég hvíta málningu og fór að fara yfir kantana…

…og að lokum gróflega yfir allt brettið…

…og var ekkert að reyna að hafa jafna áferð eða passa að þekja allt saman…

…eins og sést augljóslega hérna – því að svörtu rendurnar eru áberandi 🙂

…og hvað svo?

Ég vildi endilega skreyta hann eitthvað og fór því í föndurtöskuna mína og kíkkaði á hvað leyndist þar inn á milli.
Ég átti enn eitthvað blúnduprent (sjá hér), frá tilraunastarfsemi minni hérna um árið, og ákvað að nota það á brettið.  Síðan setti ég smá afklippu af nótnablaði og setti smá Script-stimpil (sjá hér) ofan á…

…þar að auki notaði ég annan script-stimpil sem ég átti og fiðrildi sem að ég gataði með fiðrildagataranum mínum góða (sjá hér), úr nótnapappír…

…og yfir, og undir, þetta allt saman fór ég með Mod Podge – og útkoman varð þessi…

…og svo er bara að nota þetta eins og bakka – nú eða upphengi á vegg…

…og svo bara að nota ímyndunaraflið á að skreyta bakkann.  Möguleikarnir eru í raun bara endalausir…

…en mér finnst þetta koma skemmtilega út 🙂

…þetta er alls ekki fullkomið – en hver þarf fullkomið?
Erum við ekki frekar bara að ná að skemmta okkur við framkvæmdina og við að skapa eitthvað skemmtilegt til þess að hafa heima hjá okkur…

…og kertastjakarnir eru líka kalkaðir, eins og áður hefur víst komið fram (sjá hér)…

…og smá svona Extreme Close Up…

…hvað segið þið um svona?

Er þetta ekki bara einfalt og skemmtilegt?

Allir geta reddað sér trébretti, og allar líkur á að það lúri bara inni í skáp hjá ykkur, og svo er það bara málning og klipperí eða annað 🙂