Velkomin í afgangana…

…jújú, þá er komið að því!
“Jólaboðið” sem allir kvíða fyrir að hlakka til – þetta hjá skrítnu frænkunni sem að býður upp á allt sem hún á – hvort sem að það passar saman eða ekki.  Það þýðir hamborgarahryggur við hliðina á graflaxinum, við hliðina á Nóa konfektinu, við hliðina á sítrónufrómas og Waldorf-salati 🙂

Allt í boði – geriði mér svo vel og veriði óhrædd, eins og mamma mín myndi segja…

…inni á baði komu jólin víst líka…

…enda ekki mönnum bjóðandi að fara í jólabaðið nema í það minnsta tveir glitrandi bambar stari laumulega á mann á meðan…

…sjáið bara þessi krútt…

…smá laumulegir á svipinn…

…jólakúluhengið er frá Crate and Barrel í USA, og var keypt ca 2006.  Kúlurnar á sama stað…

…ég verð að segja að mér finnst það enn ofsalega fallegt…

…þetta hér var fyrsta útfærslan á arinskreytingu í ár…

…svoldið svona frosty og skemmtileg – stórar stjörnur inni í kransinum…

…og smá vasi með snjógreni…

…sem síðan var fært í burtu – og þess í stað kom gervigreni úr Ikea (sem er æðislegt, raunverulegt og fallegt) og einfaldari skreyting.  Tvískreyttur arin, það er bara kósý ekki satt?

…og það passaði líka bara vel við jólatréð sjálft – þegar það var fullskreytt og reddý…

…í hillunni í stofunni er síðan mikilvægur fjársjóður…

…en í henni hvíla alls konar gull og gersemar sem börnin hafa búið til í gegnum árin…

…þessir þrír timburmenn, sem við foreldrarnir gerðum í leikskóla hérna á seinustu öld, fengu félagsskap frá þremur korktoppasveinum sem dóttirin bjó í fyrra.  Af timburmönnum og korktappasveinum mætti telja að hér sé mikil drykkja, en svo er reyndar ekki 😉

…þetta er svo mikið uppáhalds!
Tré og englar sem voru búin til í leikskóla – bæði frá honum og henni…

…svo ótrúlega dásamleg og falleg…

…engill sem daman gerði þegar hún var mikið styttri, nýútklippt tré sem hún kom með heim úr skóla og auðvitað fiskurinn góði (sem er uppi allt árið)…

…sjáið bara þessi englakrútt…

…mér finnst þeir alveg yndislegir og svo mikið uppáhalds…

…þessi hérna bættist svo í hópinn síðla í desember – en litli maðurinn bjó hann til á leikskólanum – mér finnst hann æði!

…svo talandi um að vera með allt á hornum sér – þá tóku hornin við alls konar hangandi skrauti sem að krakkarnir hafa gert…

…næsti “réttur” – næsta herbergi!
Í hjónaherberginu var nú lítið jólað…

…lítill hjemmelavet krans, útbúinn á herðatré (sjá hér)…

…annað var bara einfalt og ljúft…

…og í glerboxinu voru settar nokkrar silfurkúlur…

…og í efra hólfið komu gömul jólakort, svona til þess að minna á árstímann…

…lítið og einfalt – það virkar stundum vel…

…en jólatréð var ekki lítið og einfalt.
Það er fullt af alls konar gömlu skrauti, og auðvitað nýju í bland…

…og ég ákvað að setja eina af pappastjörnunum úr Rúmfó á toppinn og mér fannst það koma vel út…

…fallegar jólakúlur…

…og alls konar í bland, t.d. er þessi gamla bláa kúla af jólatrénu síðan ég var pínupeð – og ég held að hún komi frá ömmu minni…

…að sama leiti eru þessir englar frá því að ég var lítil…

…þessar eru hins vegar nýjar, glærar með hreindýrum og með snjó í botninum…

…hin týpan…

…friðarhnettirnir fallegu…

…og svo úir og grúir af öllu í bland, sveppir, snjókorn, fiðrildi sem voru notuð til að skreyta í brúðkaupinu okkar og föndur í bland…

…og þessir…

…kúlur og slaufa af pakka sem lenti á trénu eftir jólin…

…gordjöss þessar…

…annar gamall engill og meiri hreindýraást…

…frá því í fyrra…

…bland í poka…

…þessi var á pakkanum fyrir dömuna í ár…

…og þegar saman er komið – þá myndar þetta bara fallega heild!

Ekki satt?

Allt er þetta síðan gert fyrir þessa tvo engla sem við eigum ❤

Þrettándinn í dag – þannig að ég segi bara: Gleðilega jólarestar!