Dásamlegur desember…

…er genginn í garð!  Nú geta allir innri jólaálfar glaðst og komið út úr skápnum, skreyttir til fullnustu.

Húrra fyrir því 🙂

Við notuðum vonda veðrið til þess að príla upp á háaloft og tosa niður milljón jólapoka og kassa.
Síðan, að því loknu var eins og einhver hefði komið hingað og sprengt risastóra jólasprengju…

…nú og þar sem maður er að setja upp jólaljósin þá er það ekki úr vegi að skella upp aðventuljósunum í leiðinni, ekki satt?

Fyrir margt löngu síðan þá keypti ég þennan hérna í Góða Hirðinum, ég held að ég hafi keypt hann á 3-500kr, man ekki alveg…

…og ég átti þessa hérna dásemdar gráu Vintage kalkmálningu frá Martha Stewart, sem ég fékk í Föndru, þá ákvað ég að sérsníða aðventuljósið fyrir herbergi dömunnar…

… og útkoman var þessi…

…sem að mínu mati smellpassar alveg inn hjá elsku stelpunni minni – og það sem meira er, hún var alveg alsæl með það…

…ég málaði allt ljósið með gráu málningunni, sem er með sérlega skemmtilegri svona gamaldags áferð.  Síðan klippti ég niður gamlan nótnapappír og hreinlega vafði utan um “kertin” og skellti bara smá límbandi aftan á, sést ekki neitt og það þýðir að ég get breytt aftur ef vill…

…og á þrjú “kertin” setti ég síðan sæta svona gammel límmiða sem að ég keypti í A4 í fyrra.

Segið svo að það sé ekki gott að hamstra og geyma 🙂

…ásamt litum slaufum á þessi sömu kerti…

…bara dulítið kósý ekki satt?

 

…pappírinn nær ekki alveg upp, þannig að það ætti ekki að skapast nokkur eldhætta frá honum…

…inni í herberginu eru líka komnir gamlir englavængir á stólinn hennar, sem að gefa líka réttu stemminguna…

…og ef við kíkjum aðeins á smáatriðin, þá setti ég svona gammel silfurflögur á standinn, en ég fékk flögurnar á sínum tíma í elsku bestu Skrapp og Gaman, sem er því miður ekki starfandi lengur 🙁

…litlu böndin fengust í Rúmfatalagerinum, og ég held að þau hafi verið keypt í fyrra (ég er sem sé hoarder – greinilega)…

…og ég átti þessi hjörtu líka ofan í skúffu.  Ég er ekki að grínast, ég held að ég hafi keypt þau fyrir ca 8 árum í Köben.  Í hvítu, bleiku og bláu og svo blóm með.  En svipuð gætu fengist í Föndru…

…og falleg eru þau, ekki satt?

Límmiðinn með hjartascriptinu, kemur af sama límmiðablaði og stelpulímmiðarnir, úr A4…

…ég verð að segja að ég skotin í þessu – hvað finnst ykkur?

…svo var bara eftir að setja upp restina af jóladótinu, það gerðist síðar um daginn…

…en mál málanna var að sjálfsögðu að kveikja á aðventukertinu og við ákváðum að nota bara kassastjakann (ásamt þessum stóra í eldhúsinu) og fékk stóra daman að kveikja á kertinu…

★★★★★★★★★★★★★

Við kveikjum einu kerti á,
Hans koma nálgast fer,
sem fyrstu jól í jötu lá
og jesúbarnið er.

….elsku stóra stelpan okkar ❤

…þannig hófst þessi desember, með litlu DIY sem væri hægt að beita á nánast hvaða aðventuljós sem er.  Til að mynda eru til mjög ódýr aðventuljós í Rúmfó sem gaman væri að gera smá “meikóver” á…

Einhver í svoleiðis pælingum? 🙂