On with the show…

…eða áfram með smérið.

Beint framhald frá seinasta föstudegi, og þegar við skyldum the “the skank” eða skenkinn, þá stóð hann um það bil svona…

…en í dagrenningu næsta dag, þá var víst svona…

…já – ég verð víst seint sökuð um að vera til friðs í lengri tíma…

…ramminn fór niður og kransinn með´onum og í staðinn skoppuðu tvö kát basthjörtu upp á vegg…

…hengd upp í blúndu og oggulítið af smá gervigreni úr Ikea stungið inn á milli.

Hjörtun eru úr Rúmfó, og fást líka í hvítu, og kosta að mig minnir bara um 400kr – eitthvað oggu smá…

…krúttaralegu litlu kertstjakarnir mínir fengu að vera áfram, og ég setti seríuna ofan í þá – aftur.
Gamla vigtin hennar lille mor fékk að koma út að leika við nýja vigtar-klukkuna úr Rúmfó.  Skemmst er frá því að segja að þeim kemur vel saman og hafa hagað sér prýðisvel allan tímann…

…þetta litla krukkukrútt er alveg að sprengja mig úr dúllerí-i.  Bambinn er gamall og var gjöf frá yndislegri vinkonu, og þar sem ég er svo hrædd um að hann detti þá er alveg indælt að geta bara geymt svona á nokkuð öruggum stað.  Svo auðvitað smá snjór…

…glerkrukkurnar geyma hins vegar norsku innflytjendurnar.  Það er eina leiðin að halda þeim hérna á landi, því það er víst mikið hagstæðara að búa í Norge 😉

…elskulegu, yndislegu gömlu kúlurnar eru alveg að njóta sín svona í glerkúpli…

…og svo finnst mér svo gaman að vera bara með þessa litlu almenni nytjahluti með – því í raun er ekkert jóló komið á skenkinn, nema serían og kúlurnar…

…þetta er bara svona samtýningur, eins og þetta blúndukefli og smá snæriskefli með..

…lítið jólatré í sykurkari og gamla kortið hennar ömmu komið á flakk, aftur…

…og skápurinn verður reyndar einstaklega fallegur svona upplýstur.

Gjafapappírinn í bakið nýtur sín betur og hlutirnir sjást svo vel…

…ákvað að snúa Ikea-glösunum mínum á hvolf og fékk þannig svona skemmtilega upphækkun fyrir litlu fugla bollana sem ég fékk í Köben í sumar…

…eins er glerskál á fæti upphækkun fyrir lítið silfurfat, og mjólkurkannan geymir köngul.
Þetta er saurlíferni í skápunum hjá mér, allir með öllum og allt í vitleysu – það er örugglega þess vegna sem ég á svona mikið af dóti, þetta sér um að fjölga sér sjálft…

…kanna og míní ljónaskálarnar…

…og stærri ljónaskálar…

…silfurkanna sem kallar á ærlega pússun – eða sko nei alls ekki, ef mamma les þetta…

…og litlu “heimalöguðu” eggjabikararnir geyma gömul heimalöguð egg…

…eins finnst mér svo fallegt að sjá fallegu stafina þarna í baksýn…

…og svo er þetta bara samtýningur af hinu og þessu – sem fær yfir sig einhvern töfrahjúp í seríuljóma…

…ofan á skápnum hvílir thing-a-mabob-ið sem ég keypti í Góða hérna í denn, stendur upp við vegg og stendur fyrir sínu…

…sjáið þennan krútturass – maður verður allur svona mússí mússí…

…og rebbi litli fær að vera með – líka geymdur í krukku eins og hver önnur sulta…

…og þannig er það nú – nú þarf maður að fara að jóla!  Enda ekki seinna vænna því að aðventan er bara næstu helgi, juminn!

…og svona séð frá jólaborðinu frá því um daginn, yfir í eldhúsið…

Eruð þið búnar að grafa upp skrautið að einhverju, eða bara öllu leyti?

Knúsar  ❤