So it begins…

…blessuð jólin!

Það er nefnilega þannig að það er erfitt að berjast á móti, og auðvelt að láta undan – og ég gerði það bara!
Eins og þið vitið þá var SkreytumHúsKvöld í Rúmfó í seinustu viku, þegar að ég gekk um búðina að velja vörur á tilboð þá kolféll ég fyrir, með skelli og látum, dásemdar pappastjörnum.  Ég á þónokkrar nú þegar, en hins vegar taka þær svo lítið pláss þegar þeim er pakkað niður – og kostuðu nánast ekki neitt, þannig að hvernig á að vera hægt að standast svona?

Síðan var ég að stússa hérna heima og þær bara duttu úr pokanum hjá mér, og svo datt óvart sería úr kassa í bílskúrnum, og þá var ekkert aftur snúið  Smá dass af jólum, en samt ekki, jú sí!

…til þess að stilla upp stjörnunum notaði ég ramma af spegli sem brotnaði fyrr á árinu.  7 ára ógæfa – hnussss, spegillinn er nánast mikið betri sem bara rammi.  Síðan sést hérna fyrsta “lagið” á borðið.
Þetta er kannski ágæt lexía í uppröðun og lagskiptingu í leiðinni…

…þetta var sem sé fyrsta umferð af hlutum á borðið.  Þeir eru misjafnir að hæð og mynda þannig “landslag” á borðinu…

…ég notaði fallegu gínuna úr Rúmfó, og styttuna sem ég fékk mæðradagsgjöf…

…á henni hanga síðan krossar, þar á meðan skírnarkrossinn minn…

…ég vafði seríu utan um rammann og stakk síðan einni og einni peru innan í stjörnurnar…

…minni gínuna fékk ég í USA þegar við fórum til San Francisco en kertastjakinn fannst í Góða.  Ég var svo ákveðin í að mála hann um leið og ég kæmi heim, en svo fannst mér hann eitthvað svo fallegur svona viðarlitur að hann hefur fengið að halda sér – ennþá…

…síðan bættist smá við, sjáið þið hvað það er?

…ég setti þennan stóra dásemdarkross á stóru gínuna…

…hann er frá Krista Design og mér finnst hann alveg ótrúlega fallegur (fæst líka í Systur og makar á AEY)…

…og ég bætti líka við kórónurömmunum, sem mér finnast bara ansi hreint fallegir (fást hér)…

…annars er þetta ekki einu sinni neitt svaka jóló – ég meina, þetta er meira bara svona kósý með stjörnum…

…mér líka við einfaldleikann, þar hins vegar mynda þetta líka í björtu…

…en ég gat ekki látið staðar numið…

…og festi á stjakann með blúndu einfalt hjarta sem ég fékk í A4 í Smáralindinni. Planið er reyndar að gera eitthvað sniðugt við það, að skreyta á einhvern hátt – en í bili, þá smellpassaði það þarna – einmitt svona einfalt…

…ekkisatt?

…á sama stað (A4) fékk ég líka þessa hérna….

…sem eru æðislegir til þess að stinga einfaldlega inn í kertin og gera þau þannig hátíðlegri…

…svo má bara færa þetta neðar eftir hentugleika, og svo á næsta kerti þegar þetta er brunnið niður – sniðugt!

…og þá var ég orðin nokk sátt!

Nei, ekki alveg – haha þið hélduð að þið væruð loks laus, en neiiiii…

…ég ákvað að bæta við 100 ára gömlum póstkortum frá henni ömmu minni og njóta þeirra svona með…

…eitt hvoru meginn…

…enda eru þau einstaklega falleg – og fest upp með píluspennu…

…það mætti náttúrulega eins prenta út mynd af netinu, fyrir þá sem eiga ekki svona ekta gammel kort…

…síðan setti ég smá krans á hana Maríu, og bætti við sprittkertum…

…í litlu eggjabikarana sem ég skreytti endur fyrir löngu (sjá hér)…

…og svo sitja gærur frá Ikea á stólunum!  Veit ekki hvað ég á að segja um gærurnar sem eru frá kærastanum – annað en að þetta eru fínar gærur (hver hugsar alltaf um Stellu í orlofi þegar talað er um gærur?)…

…og þannig held ég að hægt sé að segja að jólapóstatímabilið sé formlega hafið!

 ♥ Takk fyrir mig  ♥

Like?