Ef ég væri þú… – Skreytumhús.is

…þá færi ég nú, af stað í framkvæmdafíling.

Eða svona næstum, núna langar mig aftur til þess að fá ykkur til að deila með mér/okkur einhverjum verkefnum sem að þið hafið farið út í, raðað eða stillt upp, eftir að hafa séð/lesið eða skoðað hérna á síðunni minni 🙂

Við gerðum þetta einu sinni og það tókst svo skemmtilega að mér langar að sjá meira!

Það er til svo skemmtilegt orð á ensku sem er House Proud, þá ertu stollt/ur af heimilinu þínu. Ég held að allir sem að hafa farið í einhverjar framkvæmdir af þessu tagi, spreyjað eitthvað, stillt upp eða gert eitthvað svona öðruvísi heima hjá sér finni fyrir þessari tilfinningu.

Mér þykir t.d. alltaf sérstaklega vænt um nokkra hluti sem að ég útbjó sjálf og finn þessa tilfinningu þegar að ég horfi á þá: lampi heimasætunnar, lampi litla mannsins, hillurnar hjá litla manninum, kommóðan mín, spegillinn í stofunni, blómabakkinn minn og þess háttar.

Þetta er öðruvísi tilfinning heldur en þegar ég horfi á hluti sem að ég á, þykir mjög fallegir, en ég veit að það eiga þúsundir annara svona líka.

Ég er nefnilega alltaf á því að það þarf ekki að kosta milljón til þess að líta vel út, og það að þú gefur af þér í eitthvað, það er oft milljóna virði *væmnikastilokiðtakk*

Koma svo, mundið myndavélina og sendið myndirnar inn á Facebook-síðuna, eða beint í tölvupósti til mín soffiadogg@yahoo.com og leyfið mér að njóta með.