Haustið er komið…

…því verður víst ekki neitað!

Fyrst það er ekki hægt að neita því, þá er eins gott að taka bara þátt af fullum krafti.

Á hverju hausti nýt ég þess að setja erikurnar, callunar og hin haustblómin í potta, svona til þess að fá þessa litadýrð og fegurð í kringum mig, á sama tíma og trén fella laufin eitt af öðru.  Það hefur nefnilega hver árstíð sinn sjarma og um að gera að breyta dulítið í kringum sig svona til þess að minna á það.

Haustið 2013

Haust 2011

Ég lagði því leið mína í Garðheima til þess að kaupa það sem þurfti til þess að setja hérna út í potta og körfur.  Svona rétt til þess að gera kósý og krúttaralegt hérna fyrir utan.

…elska litina og áferðina á öllu þessu haustlyngi – dásamlegt…

…ég átti nefnilega þessa flottu potta og tunnu, úr Púkó og Smart, sem ég ætlaði að nota fyrr í sumar – en komst aldrei í að setja sumarblómin í (það var alltaf eitthvað blautt sem hrundi niður úr himnunum þegar að ég ætlaði að stússast eitthvað).

En mér fannst þeir svo dásamlega flottir og eitthvað svo skemmtilegir með svörtu útipottunum sem ég átti fyrir…

…sjáið þá bara – þeir gætu allt eins endað inni í eldhúsi hjá mér…

…líka frá frú Púkó, voru þessi dásamlega rustic körfusett…

…og kjörið er, þegar verið er að setja svona blómapotta í körfur, að setja sand í botninn á þeim.

Hækkar blómapottana þannig að blómin njóta sín betur og þyngja körfurnar þannig að þær fjúka ekki í haustlægðunum…

…við erum nefnilega nýbúin að tæma stóra beðið hérna fyrir utan hjá okkur.  Það var sko stútfullt af grjóti og tók okkur um 2 daga að handtýna hvern og einn stein úr því.  Við fengum síðan stóra trjáboli og stylltum þeim upp í beðinu – til þess að setja luktir og annað slíkt á…

…og eiginmaður smíðaði lítið bekkjarborð, svo ég væri með enn meira pláss til þess að stilla upp góssi á.

Steinana með mosunum fann ég í beði í garðinum, þar sem sást varla í þá, og því kjörið að nýta þá þar sem þeir sjást betur…

…þannig að þegar að það var búið að setja saman í körfur þá var þetta orðið gasalega hugguleg hauststemming…

…elska þessa grófu áferð, af viðnum og grjótinu, og fá síðan fallegu litina í haustlynginu…

…sjáið þær bara…

…skemmtilegt að blanda þessu svona saman tegundunum.

Það voru einmitt alls konar tilboð þannig að hægt var að kaupa t.d. þrjár erikur/callunur saman á um 1200kr.

Þær hafa líka staðið úti hjá mér yfir allan veturinn…

…og það var nú að skella einhverju fyrir utan útihurðina líka…

…og þá notaði ég þessa dásemdar zinkpotta…

…og það verður einhvern vegin allt mikið fallegra þegar að það er búið að hlúa aðeins svona að innganginum…

….ó þvílík fegurð…

…þetta var hins vegar uppáhaldið mitt!

Í Garðheimum voru þessar RISA callunur (sem ég kallaði erikur).
Í þessum stóra potti er bara ein erika – venjulega hef ég þurft að vera með 3-4 til þess að fylla upp í pottinn.  Þessar stóru voru á rétt um 1700kr og þær eru snilld.

Ég fékk mér tvær, eina hérna og aðra á tréborðið…

…fann þessa grind í þeim Góða…

…körfu í Púkó og Smart…

…og einn RISA úr Garðheimum ♥

…og úr varð þessi!!

Love it 🙂

…einmitt það sem ég þurfti!

…nóg af trjábolum sem frúin elskar heitt ♥

…fallegir litir í haustlynginu…

…grænn og grár…

…bolir sem bíða eftir að fá nýtt hlutverk…

…risa bolur sem prýðir beðið núna, alveg við innganginn…

…og nýja beðið sómar sér svo vel svona!

…eruð þið farnar að “hausta” fyrir utan hjá ykkur?

Er ekki ágætt bara (trjá)bolabeðið mitt?

Hverjir elska zinkpottana og risana mína?