Föstudagur – hitt og þetta…

…því að það er víst kominn föstudagur, enn á ný!

Vikan hefur að sjálfsögðu verið tileinkuð afmælinu hjá stóru stelpunni minni, þannig að póstarnir hafa verið litaðir af þeim.

Núna koma bara nokkrar myndir af hinu og þessu, svona til þess að setja tóninn fyrir helgina…

…það er svo fyndið að þegar að ég pakkaði niður jólunum, þá var ég alls ekki reddí að losa mig við allt dótið.  Hins vegar núna finn ég að daginn er tekið að lengja og birtan varir lengur við.  Þá langar mig að lýsa og koma með léttari hluti, og liti inn í húsið.

Ég fékk t.d. þessa indælisvírhettu í Litlu Garðbúðinni, og ég setti græn epli innan í – instant vor, ekki satt?

…og þess vegna ákváð ég líka að taka ljósaseríuna úr glerskápnum, sakna reyndar birtunnar en leysi það kannski á annan hátt síðar…

…þar að auki bætti ég við þriðju hillunni innan í, þær fylgdu þrjár með, en til að byrja með þá notaði ég bara tvær…

…og mér finnst endalaust gaman að raða þarna inn.  Sérstaklega finnst mér fallegt að vera bara leirtauið, eins og uppáhalds skálarnar og silfrið sem þarf að pússa (en elsku mamma, mér finnst það flott svona antík-legt)…

…síðan fékk ég ljónaskálarnar með lokinu í Evítu á Selfossi, á útsölu núna um daginn.  Eins fann ég sósukönnuna í þeim Góða um daginn…

…hvítt og silfur, og auðvitað myntu blágræni liturinn minn – þetta líkar mér…

…og ég verð að segja að mér finnst sósukannan alveg sérstaklega falleg…

…og liturinn “minn” er afar fallegur á gömlu hitakönnunni, safa-flaskan sæta fæst í Litlu Garðbúðinni, eða í það minnsta fékkst þar…

…það verður síðan bara að segjast að allt verður svolítið fallegra þegar að maður á blóm í vasa/könnu…

…og túlípanar eru í sérstöku uppáhaldi  ♥

…þessi dásemdarkríli eru eins og perl-vélar, og það spítast algjörlega frá þeim listaverkin…

…svo ótrúlega fallegt hjá þeim…

…þegar að þið kaupið túlipanabúnt þá er sko allt í lagi að skipta þeim aðeins upp.  Ég fékk þessar flöskur í vírgrind í Rúmfó um daginn, á 500kr, og þær eru alveg kjörnar til þess að taka við stökum blómum…

…þessi skvísa fékk ugluhúfu í afmælisgjöf, okkur fannst þetta fyndið 🙂

…skálarnar mínar fallegu standa hérna á hitaplatta sem ég keypti í Góða fyrir löööööööngu síðan…

…það er svo fyndið að mér fannst þetta bara svona ok, en núna – ég bara ♥ þennan platta, hann er alveg orðinn uppáhalds…

…sést ekki alveg nógu vel, en hann er svona myntugrænn á litinn, með gylltu í flísunum…

…en þannig varð þessi smápóstur aðeins lengri en hann átti að vera…

…en eins og sést þá er komið svona dass af “vori” inn í eldhúsið okkar, í eplum og kökudiskum og auðvitað hitabrúsa.  Nú er bara að halda áfram á sömu braut…

…eruð þið farnar að “vora” til heima hjá ykkur?

Annars vona ég bara að þið eigið yndislega helgi og gerið eitthvað ótrúlega skemmtilegt  ♥

 ♥ knúsar  ♥