Gigi and Rose…

…í San Francisco rakst ég af tilviljun á dulitla dúllubúð sem að sprengdi alveg krúttskalann!

Ég fékk leyfi til þess að taka nokkrar myndir þarna hjá þeim og deila með ykkur 🙂

Búðin heitir Gigi and Rose, og þið komist á heimasíðuna með því að smella á nafnið…

…þessi búð var sem sé stútfull af alls konar dúllerí-i, litlu og smáu…

…þetta var allt svona bráðnauðsynlegur óþarfi, t.d. voru blómin í skálinni pennar…

…svo krúttaðar sápur…

…ég sagði ykkur að þetta væri dúlló, bollakökur og hjörtu…

…og liturinn minn fallegi, mikið langaði mig að taka litla kollinnmeð mér heim – en nei því miður það var víst ekki hægt…

…þarna voru líka svo margar skemmtilega hugmyndir sem hægt er að nota…

…greinar sem búið er að mála og festa á lítil blóm úr silkipappír…

…litlu uglurnar voru varasalvi…

…mér fannst líka yndislegir litlu kökudiskarnir…

…fullt af fallegum litum tinboxum, það er reyndar hægt að  kaupa þessi hérna heima á I am happy…

…og þessi box eru alveg sérlega sæt…

…mér fannst þessar bókastoðir líka dásamlegar…

…ohhhhhhh bambabuddur <3

…og fleiri uglur…

…ég skil ekkert í sjálfri mér að hafa ekki keypt svona bók eða svona kort eða svona….

…þar sem að þrír karlmenn voru í för með mér, stóðu þeir allir fyrir utan bleiku búðina – skil ekkert í þeim 😉

…en eiginmaðurinn smellti af þessari mynd, af konunni í gleði/krútt/dúllerískasti – sjáið bara, þetta var allt svo sætt að ég fékk bara í herðarnar…

…nóg af hárskrauti og glingri í hárið…

…svo sætt lítið snyrtiborð, og enn fleiri blóm í hárið…

…awwwwww…

…mér fannst þessir líka yndislegir, svo einfaldir og flottir…

…flott að veggfóðra svona innan í hillu/skrifborði…

…og hreindýr á veggjum eru til margs nýtileg…

…glerkrukkur með nammi eru krúttlegasta hilluskraut, og síðan finnst mér prófílmyndirnar æðislegar!

Hvernig líst ykkur á Gigi and Rose, ekki bara dúlló?

Á morgun er síðan New York, og á föstudag þá fáið þið að sjá sitthvað sem datt, alveg óvart, ofan í töskuna mína!