Ike-ást hér heima…

…þrátt fyrir ást mína á þeim Góða, og að finna hitt og þetta og gera það að “mínu”.  Þá er ein búð sem er óbrigðult á listanum mínum þegar að gera þarf herbergi.  Hver er búðin?

Ok, kannski ekki erfitt að giska á það en – taaddaaa Ikea!

Þetta er sú búð sem ég treysti á öðrum fremur til þess að geta keypt þessa hluti sem eru algert möst, að mínu mati!

Eigum við að pæla aðeins í þessu?

Eldhúsið

Ingolf vinur minn, og tvíburabróðir hans Ingolf fluttu hingað inn, og við búum öll saman í sátt og samlyndi.  Þrátt fyrir að þeir séu búnir að búa hjá okkur í rúmt ár – þá er ég enn jafn skotin í þeim í dag.

Hliðarborðið góða var keypt á Bland.is og kalkað, en hins vegar veit ég að þetta er upprunalega Ikea borð

…og þessi eru til þarna í dag…

Stofan

Eftir fjörugar fésbókarumræður á sínum tíma þá bætti ég gardínuvængjunum við í stofunni.  Þær heita Merete og eru rosalega góðar í herbergjum þar sem að mikil sól skín inn.  Þar sem að ég er alltaf að breyta (nauuuuuuu ha?) þá hafa þær líka hangið uppi í svefnherberginu og í dömuherberginu.

Annað sem að ég mæli hiklaust með, og er alltaf með í stofunni er gæran góða sem liggur á hægindastólnum.  Það er sko ekkert út með gæruna hér!  Ég vil hafa gærur og mikið af þeim, ég er með þessa stóru “alvöru” á sófanum í stofunni, en ódýrari týpuna inni í dömuherberginu.

Einn af mínum uppáhalds hlutum er þessi fallegi hvíti vasi sem er í stofu horninu.
Langt síðan að hann var keyptur, en er alltaf jafn happy með´ann.

Rammar eru nauðsynlegir og geta gjörbreytt rými, Ikea er “go-to-staðurinn” sem að ég fer alltaf að kaupa ramma fyrir myndirnar mínar.  Þeir eru svo góðir og í alls konar flottum gerðum og stærðum.

…og þið eruð nú farnar að þekkja hversu hrifin ég er af myndagrúbbum…

Hjónaherbergið

Náttborðið þykir mér alltaf jafn fallegt.  Eftir að ég fékk síðan kommóðuna sem náttborð “mín megin” þá fór gamla mitt inn í herbergi litla mannsins.
Sko – það er alltaf hægt að nýta þetta áfram.

Nýju gardínurnar mínar í svefnherberginu eru líka frá Ikea.  Bæði þessar gráu og svo blúndan fyrir innan.

Síðan er það sem ég treysti á og nota út um allt, tvöfalda gardínustöngin.
Þá geturu verið með vængi sem að þú dregur fyrir og frá, en fyrir innan getur verið blúnda eða eitthvað kósý, eða bara til að hengja skraut á.

Skrifstofan

Hefði sennilegast ekki komist á laggirnar ef ég hefði ekki Expedit vin minn til staðar.
Hillurnar voru notaðar sem basis-inn til þess að byggja skrifborðið á og þessi lausn er enn að virka vel.

Sömuleiðis er litla Ribba-bókasafnið alveg að gera sig.

Herbergi litla mannsins

Þar er nú Ribba-hillan að standa sig í stykkinu og gefur okkur grunninn fyrir tré- og skýjahillurnar …

Við erum með dökka Malm kommóðu og síðan er gömul útgáfa af Expedit sem er þarna undir allt dótið.

Gardínurnar eru Vivan og auðvitað eru stangirnar líka frá Ikea

Jeminn, já og bílamottan er líka frá Ikea.

Þetta er kannski einhverjum til gagns og gamans, í það minnsta þá finnst mér stundum leiðinlegt að vera að sýna ykkur hitt og þetta – sem er ekkert hægt að leyfa ykkur að finna fyrir ykkur sjálf/ar.  Þetta er svo oft eitthvað svona one-of-a-kind og þá er kannski ekki séns að finna annað 🙂

Vona að ykkur hafi ekki leiðst of mikið, og ef það er eitthvað sem þú eruð að spá – spyrjið!

*knúsar og góða helgi í hausinn á ykkur!