Körfudýr…

…við eigum tvo vini hérna heima.  Þið vitið, þessa loðnu!

Þeir eru æðislegir, þó ég segi sjálf frá.

Við erum reyndar næstum viss að sá yngri (og ljósari) er ofvirkur, hugsanlega með athyglisbrest, og þyrfti helst að komast á lyf við því.  En ég er ekki viss um að hundar fái meðferð við slíku.  En hann er hinsvegar líka alveg ótrúlega ljúfur og yndislegur…

Sá eldri, reyndari og vitrari – er að verða 14 ára núna í ár!  Það er ótrúlega hár aldur, og við gætum þess að njóta hans hvert augnablik.  Við höfum átt hann síðan hann var smá hvolpur og hann er svo stór hluti af lífi og hjarta okkar…

…þegar að við fengum litla dýrið fyrir fjórum árum þá var spennandi að sjá hvernig sá gamli myndi taka honum, svona þar sem að að hann hafi verið kóngur í ríki sínu í svo langan tíma.  En þar sem að hann er einstakur ljúflingur þá tók hann litla strax, og þeir hafa verið bestu vinir frá fyrstu tíð…

…awwwwww…

…svona getur hann Stormur okkar legið þegar að hann leggur sig, kreisí dog…

…en án þess að ég ætli að röfla um hundanna daglangt, þá vantaði þá nýtt svefnbæli.  Auðvitað fann ég það síðan í Gutez, það er reyndar aaaaaaðeins of lítið fyrir þá tvo, en í það minnsta dugar það til í bili…

…ég málaði það bara með grunni, og þið sjáið hvernig það glittir í brúna litinn.  Þá tók ég bara hvítt sprey og spreyjaði yfir restina…

…gamli beið spenntur eftir nýju rúmi…

…þið sjáið bara hvað þeir eru miklir vinir, sá ungi sér alfarið um að hreinsa eyrun á gamla vini sínum…

…það er sönn ást held ég…

…eða sönn vinátta…

…og auðvitað er haldið utan um hálsinn á meðan…

…að lokum var karfan orðin þurr…

…og fékk að koma inn í hús…

…og var mátuð…

…júbb, alveg sáttur…

…en eiginmaðurinn var fljótur að benda á að það væri ekki séns að þeir gætu báðir komist í körfuna, en þeir afsönnuðu það í hvelli…

…mér finnst þetta svo fyndin mynd! Þeir voru svo innilega gripnir í bólinu…

…en hins vegar, já – leitin að hinu rétta bæli heldur áfram, þetta er helst til lítið 😉